08:15 23 Nîsan 2018
    Koçberên Efrînê - 19 Adar 2018

    Efrînî tiştekî dibêjin lê wergêrê Haber Turkê tiştekî din werdigerîne

    © AFP 2018 / GEORGE OURFALIAN
    Tirkiye
    Lînkê kurt
    Operasyona Tirkiyeyê li dijî Efrînê (520)
    0 05

    Vîdeoyek li ser medyaya civakî belav bû ku peymanerê kanaleke tirkî bi xelkê Efrînê re diaxive lê bi qasî di vîdeoyê de xuya dike, wergêrê bi peyamnêrê kanalê re, axiftina efrîniyan diguherîne, çewt werdigerîne. Wergêr tiştên ku xelkê efrînê li ser Artêşa Sûriyeya Azad dibêje wiha dike wek ku li ser YPGê gotibin.

    Peyamnêrê kanala tirkî ya bi navê Haber Turk li Efrînê bi xelkê bajarî re diaxivî û digot ku dê bixwaze xelk behsa rewşê berî hatina Artêşa Tirkiyeyê û komên pê re û piştî wê ji wan re bibêjin.

    Berî ku peyamnêrê pirsa xwe bike, zilamekî efrînî bi devoka xwe diaxive û dibêje: Em dixwazin îro dîmenên çekdar li Efrînê tine bin. Ji ber Artêşa Sûriyeya Azad, ne artêşa azad e; (Artêşa Sûriyeya Azad) diz in, wêranker in, terorîst in. Wan malê me û jinên me birine. Şeva çû, sê qîzikên 15 salî xera kirin(tecawiz li wan kirin).

    Lê wergerê bi peyamnêrê Haber Turkê re axiftina zilamî wiha wergerand: "Em naxwazin kesên ne ji Efrînê li Efrînê bimînin. YPG rêxistineke wiha bû ku ne ya Efrînê bû. Paşê hat vê derê. Mal û milkên me talan kirin. (YPG) çav berda namûsa me. Em naxwazin ew li vir bin. Ji ber ew ne xwediyên rasteqîn ê vê derê bûn."

    Mijar:
    Operasyona Tirkiyeyê li dijî Efrînê (520)

    Bi heman mijarî:

    Dîmenên talankirina Efrînê hatin belavkirin
    NY: Pêwistiya 50-70 hezar sivîlên li Efrînê bi alîkariyên mirovî heye
    Termên 2 leşkêran li Efrînê hatin dîtin
    Macron û Erdogan axivîn: Li Efrînê aramiya xelkê sivîl hatiye dabînkirin
    ASA: Tevahiya Efrînê hîn nehatiye kontrolkirin
    Kurd û alîgirên wan ji bo Efrînê xwenîşandan li Parîsê li dar xist
    Li Swêdê ji bo piştgiriya Efrînê xwepêşandan tê lidarxistin
    Etîketan:
    ASA, Haber Turk, YPG, Efrîn, Tirkiye
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de