21:48 25 Gulan 2018
PAK-PAKê

PAK: Dixwazin tiştên anîne serê ermen û rûman, bînin serê Efrînê jî

© Sputnik / Sertaç Kayar
Tirkiye
Lînkê kurt
Operasyona Tirkiyeyê li dijî Efrînê (527)
0 10

Partiya Azadiya Kurdistanê(PAK) bi daxuyaniyekê operasyona Tirkiyeyê li dijî Efrînê wek "jenosîd" bi nav kir û ragihand ku "Hikûmeta İttihad Terakki û Kemalîstan di destpêka sedsala bihurî de heman tişt anî serê Ermenî û Rûman jî. Ermenî û Rûm qir kirin tirk li şûna wan bi cih kirin. Plana wan ya ji bo Efrînê jî her ev e."

Serokomarê Tirkiyeyê Erdogan
Serokomariya Tirkiyeyê / Yasin Bulbul
Buroya Çapemenî û Ragihandinê ya PAKê di daxuyaniya xwe ya de ya ku kopyayeke wê ji Sputnik Kurdistanê re şand û tê de got ku "Efrîn di bin xetera jenosîdê de ye" û wiha dewam kir: Hêzên Dewleta Tirkîyeyê piştî 50 rojên şerî, bajarê Efrînê dorpêç kirîye. Ava vexwarinê ya ku diçe bajêr qut kiriye, depoyên xwarinê, firinên nanpêjî bombardûman kirîye. Li nexweşxaneyan derman nemane, bi hezaran birîndar li benda alîkarîya cerahî ne. Efrîn bi 850 hezar Kurdên xwe di bin xeteriya qirbûnê de ye."

"DAXUYANIYA YILDIRIM ÎLANKIRINA BIRYARA JENOSÎDÊ YE"

Herwiha PAK îdîa kir ku Tirkiye hewl dide ku "etnîsîtêya kurdan qir bike" û gotinên Serokwezîrê Tirkiyê Binali Yildirimî bi bîr anîn ku gotibû "Piştî paqijkirina Efrînê ew ê 350 hezar erebên Sûriyê bibin li Efrînê bi cî bikin" û wiha got: "Ev beyan îlankirina biryara jenosîdê ye. Di vî warî de sabiqa Tirkiyê giran e; Hikûmeta İttihad Terakki û Kemalîstan di destpêka sedsala bihurî de heman tişt anîye serê Ermenî û Rûman jî. Ermenî û Rûm qir kirin, ji gund û bajarên wan derxistin û di dewsa wan de tirk bi cih kirin. Plana wan ya ji bo Efrînê jî her ev e. "

"TIRKIYE QÎMA XWE BI EFRÎNÊ TENÊ NAYÊNE"

Di berdewamiya daxuayniyê de PAKê got ku "Tirkiye dê qîma xwe bi Efrînê tenê neyêne" û  wiha dewam kir: "Piştî Efrînê ew ê berê xwe bide Minbîçê, Kobanê, Serêkaniyê, Amûdê, Qamîşloyê…"

PAK Rûsyayê, DYA, Yekîtiya Ewrûpa, Fransa tawanbar kirin ku "çavên xwe li ser êrîşên Tirkiyeyê digirin" û bangî raya giştî ya Ewropa û cîhanê kir ku "nebin şirîkên bêdengiyê û dengê xwe bilind bikin da ku kurd neyên qirkirin."

Mijar:
Operasyona Tirkiyeyê li dijî Efrînê (527)

Bi heman mijarî:

Li Îranê 5 xwepêşanderên Efrînê hatin binçavkirin
Nadiya Mûrad ji bo Efrînê banga lezgîn kir
Etîketan:
PAK, Binali Yildirim, Minbic, Kobanî, Amûdê, Qamişlo, Tirkiye, Efrîn
Pîvanên civatêNîqaş
Şiroveyên di rêya Facebook deŞiroveyên di rêya Sputnîk de