Bahçeli: Hewce bike ez ê biçim Efrînê

Serokê Giştî yê Partiya Tevgerê ya Neteweperest (MHP) ya Tirkiyeyê Devlet Bahçeli ji ber daxuyaniya TTBê ya ji bo şerê li Efrînê, TTB wekî ‘xaînê welêt' bi nav kir. Bahçeli îdia kir ku CHP dixwaze PYDê derxînê temîziyê. Bahçeli got, "Hewce bike ez ê biçim Efrînê û canê xwe bidim."

Serokê Giştî yê Partiya Tevgerê ya Neteweperest (MHP) ya Tirkiyeyê Devlet Bahçeli di axaftina xwe ya civîna partiya xwe de ji ber daxuyaniya ‘Şer pirsgirêkeke tenduristiyê ya gel e' rexneyên tund li Yekîtiya Bijîşkên Tirk (TTB) girt û ev tişt gotin, "TTB dijminên tirkan e. Dijmin û rûreşiya bijîşkiyê ye. Divê deriyê wê were girtin. Divê tavilê û bi awayekî lezgîn derbarê wê de karûbarên hiqûqî û yasayî werin kirin û deriyê wê were kilîtkirin."

Bahçeli got, "Ger dema wê were ez ê jî wekî Bozkurtekî (Gurê Boz) di refên herî pêşiyê de biçim Efrînê û hewce bike ez ê ji bo vî welatî, ji bo vî miletî canê xwe ji dil bidim."

#MHP Lideri Devlet Bahçeli: Eğer yeri gelirse ben de bir Bozkurt gibi, en ön safta Afrin’e gider, gerekirse, ihtiyaç hasıl olursa bu vatana, bu millete taşıdığım canı seve seve feda ve hadiye ederim. Bu da millete bir Devlet sözüdür. pic.twitter.com/FFHqFiGF9U

— yurdagül şimşek (@yurdagulsimsek) 6 Şubat 2018

Herwisa Bahçeli parast ku leşkerên tirk di şerê Efrînê de ji bo zirar negihêje sivîlan hewldaneke mezin dide û got, "Ev operasyon ji bo ewlehiya me ya neteweyî hat plankirin."

Devlet Bahçelî di axaftina xwe de rexne li Partiya Gel ya Komarê kir û îdia kir ku CHP dixwaze PYDê derxîne temîziyê.