Bozdag: Bi KHKyan 107 hezar kes hatin îxraçkirin

Cîgirê Serokwezîrê Tirkiyeyê Bekir Bozdag hejmara kesên bi biryarên di hiqmê qanûnê de (KHK) hatine îxraçkirin eşkere kir. Komîsyona lêpirsînê ya rewşa awarte jî derbarê hezar û 562 kesan de biryar da, 41 kesan biryara erênî, yên din jî biryara redê stend in.

Cîgirê Serokwezîr û Berdevkê hikûmeta Tirkiyeyê Bekir Bozdag, piştî darbeyê di çarçoveya rewşa awarte (OHAL) de hejmara kesên ku bi biryarên di hiqmê qanûnê de hatine îxraçkirin eşkere kir. Bozdag wiha axivî: Hejmara kesên ku di hemû biryarên hiqmê di qanûnê de hatine îxraçkirin 110 hezar û 778 kes in, yên ku li karê xwe vegeriyan 3 hezar û 604 kes in.

Heta niha kesên ku hatine îxraçkirin jî 107 hezar û 174 kes in. Kesên ku serî li komîsyona lêpirsînê ya rewşa awarte dane jî 105 hezar û 151 kes in. Komîsyonê derbarê hezar û 562 kesan de biryar da, 41 kesan biryara erênî, yên din jî redê stend in.