04:49 23 Nîsan 2018
    Bombebarana Artêşa Tirkiyeyê li ser Efrînê

    HDP: Divê hemû gelên Tirkiyeyê li hember operasyonan derkevin

    © Sputnik / Hikmet Durgun
    Tirkiye
    Lînkê kurt
    Mevlut Oguz
    0 62

    Hevseroka şaxa Stenbolê ya Partiya Demokratîk a Gelan (HDP) Esengul Demir ji Sputnik Kurdistanê re operasyona Tirkiyeyê li dijî Efrînê nirxand û got, "divê hemû gelên Tirkiyeyê li hember operasyonan derkevin.

    Demir destnîşan kir ku poltîkayên hundir yên AKPê xetimîne û wiha nerînên xwe anîn ziman, "desthilata AKP-MHP hem ji aliyê polîtîk hem jî ji aliyê aborî de ketiye tengasiyê. Ji ber ku ji vê tengasiyê derkeve polîtîkayên şerî xistine rojava xwe. Operasyon ne çareserî ye. Gelên Tirkiyeyê bi hevkarî û behremendiyê encex dikarin ji vir derkevin. Eger Tirkiye di şer de israr bike û têkeve şer, bivê nevê dê bandoreke neyînî li Tirkiyeyê bike. Tirkiye niha di hewildaneke gelek gelek bi xeter de ye."

    ‘AKTORÊN MEZIN LI HEMBER HEWILDANA TIRKIYEYÊ DUDIL IN'

    Demir di axaftina xwe destnîşan kir, "Aktorên mezin li hember hewildana Tirkiyeyê dudil in, helwesteke zelal nîşan nadin. Dibe ku heta derekê mudaxilî pêvajoyê nebin lê li ser îhtimala mezinbûna şer dê têkevine dewrê, lê xuyaye heta derekê aktorên mezin destûr dane operasyonê."

    ‘WER XUYA YE HETA DEREKÊ AMERÎKA JÎ Û RÛSYA JÎ DESTÛR DANE TIRKIYEYÊ"

    Demir di ber dewamiya axaftina xwe de got, "Rûsya û Amerîka li Sûriyeyê ji bo pêşiya xwe vekin û pozîsyonên xwe yên li wir diyar bikin, heta derekê hpevgirtinên wiha di ser Tirkiyeyê birêve diçin, lê piştî demeke ku konsensus û rêkeftinek çêbû, dibe ku mudaxele bikin. Niha herdu dewlet jî pêşiya xwe vedikin û pozîsyonên xwe raçav dikin. Xuyaye heta demekê Amerîka jî û Rûsya jî dê destûrê bidine Tirkiyeyê."

    ‘BI RIHÊ KOBANIYÊ ME HEVPARIYEK BO EFRÎNÊ HEYE'

    Demir wiha dawî li axaftina xwe anîn, "Piştî operasyonê û daxuyaniyan, pêwendiyên me bi enî û Weqfa Aştiyê û rêxistinên aştîxwaz ên demokratîk re didomin. Heftiya bihûrî me derbarê rewş û rûdanên dawî de birrek hevdîtin pêk anîn û hîn jî hewildanên me didomin û piştî daxuyaniyên dawî, me demildest toreke ragihandinê pêk anî, sibe jî em dê bi vê mijarê bicivin. Bi rastî jî ji bo derketina qadan bi rihê Kobaniyê me behremendî û hevpariyek bo Efrînê heye."

    Bi heman mijarî:

    Lavrov û Tillerson rewşa li Rojava axivîn
    Berdevkê YPGê yê Efrînê: Di bombebarana artêşa Tirk de 7 sivîl birîndar bûne
    Wezareta Berevaniyê ya Rûsyayê: Leşkerên me yên li Efrînê vekişiyane herêmeke din
    Serokwezîrê Iraqê Ebadî li ser civîna xwe ya bi Barzanî re daxuyanî da
    Klintseviç: Rûsya dê li NYyê daxwaz bike ku Tirkiye dawî li operasyona li dijî Efrînê bîne
    Etîketan:
    Operasyona li dijî Efrînê, operasyon, êriş, HDP, Spunik Kurdistan, Esengul Demir, Efrîn
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de