22:22 19 Nîsan 2018
    Xwendekarên kûrsa zimanê kurdî li Urdunê

    Kurdên Urdunê ji bo vejandina çandeya kurdî dest bi kûrsên kurdî dikin

    © Sputnik /
    Sûriye
    Lînkê kurt
    0 20

    Komeleya Urdunî-Kurdî ya Çandeyî ragihand ku dê kûrseke zimanê kurd di destpêka meha Adarê bidin destpêkirin û vê carê dê kûrs bi zaravaya soranî ya kurdî be. Serperiştê Birêveberiyê yê Komeleya Urdunî-Kurdî ya Çandeyî Muhîdîn el Kurdî diyar kir ku armanca wan vejandina çande, kelepor û zimanê kurdî ye.

    Dilyar Amûdî

    Serperiştê Birêveberiyê yê Komeleya Urdunî-Kurdî ya Çandeyî Muhîdîn el Kurdî derbarê van kûrsan de ji Sputnik Kurdistanê re axift û diyar kir ku kûrs dê navenda Komeleya Urdunî-Kurdî ya Çandeyî ya li Emmana paytextê Urdunê bên dan.

    El Kurdî diyar kir ku vê carê dê kûrs bi zaravaya soranî be û mamosteyê wan dê ji Herêma Kurdistanê be ku niha li Urdunê dijî.

    Li ser rêjeya beşdarbûnê, serperiştê birêveberiyê got ku hîn duh ragihandiye ku kûrs dest pê dikin lewra hîn nizanin bê çiqas kes beşdar bibin lê heta niha çend kesan pêwendî bi wan re danîne û wan diyar kiriye ku dixwazin tev li kûrsê bibin û wiha dewam kir: "Berî niha me kûrsên zimanî vekiribûn. Me di çar salên borî de 4 kûrs vekirin. Ew kûrs bi zaravaya kurmancî bû û beşdarbûna kûrsan gelekî baş bû."

    "EREB JÎ HÎNÎ KURDÎ DIBIN"

    El Kurdî diyar kir ku ne tenê kurdên Urdunê lê herwiha erebên Urdunê jî tev li wan kûrsan bûn û li ser mijarê wiha axift: Tiştê herî xweş ew bû ku birayên ereb ên Urdunê jî tev li wan kûrsan bûn. Pêncî ji sedî ji beşdaran ji erebên Urdunê bûn."

    Li ser pirsyarê bê ev kûrs çiqasî bi kêrî hînbûna kurdî tên û mirov piştî kûrsê hîn dibin an na, Serperiştê kurd got: Ya rast hinek mirov hene ku hîn dibin lê piştî wê dewam nake. Hinek jî hene jî piştî kûrsê jî bi tena serê xwe dewam dike. Em wan hînî xwendin û nivîsînê û hinek bingehên axiftinê dikin. Em destpêkê fêrî wan dikin. Paşê ew xwe bi xwe li ser dixebitin. Hinek hene malperên kurdî jî vedikin, hewl didin wergerê bikin û ferhengan tînin ji bo xwe li pêş de bixin."

    Mamoste dersa kurdî dide
    © Sputnik /
    Mamoste dersa kurdî dide

    "ARMANCA ME VEJANDINA ÇAND, ZIMAN Û KELEPORA KURDÎ YE"

    El Kurdî destnîşan kir ku jixwe armana sereke ya Komeleya Urdunî-Kurdî ya Çandeyî vejandina ziman, çand û kelepora kurdî ye û li ser armanca destpêkirina van kûrsan jî wiha got: "Armanca me ji van kûrsan vejandina zimanê kurdî ye.

    "HEMÛ ZARAVA DIHERIKIN HEMAN CIHÎ, EW JÎ ZIMANÊ KURDÎ"

    Li ser sedema ku vê carê kûrs bi zimanê soranî ye, ne bi kurmancî ye, El Kurdî got: "Mamosteyê me zaravaya soranî perwerde dike. Ji bilî wê jî hinekan xwest ku hînî wê zaravayê bibin. Ji ber êdî danûstendinek bi Kurdistana Iraqê re heye. Karê me bi Kurdistana Iraqê re heye, lewra gelek kes dixwazin zaravay wê derê hîn bibin. Me jî got em dê kûrsê bidin destpêkirin. Eger beşdarî hebe, em dê polê vekin. Herwiha em dixwazin rengên cuda hebin. Me kurmancî çêkir, em niha dixwazin soranî jî çêkin. Ji xwe di dawî de hemû zarava diherikin hemû deverê. Ew jî zimanê kurdî ye."

    El Kurdî destnîşan kir ku ew pereyeke sembolîk ji beşdaran distînin ku tenê beşekî ji keda mamosteyî bidin, pereyên qirtasiya xwe bidin û wiha got: "Armanc ew e ku em kesên dixwazin hîn bibin, teşwîq bikin."

    Ji aliyê din ve, El Kurdî got ku mufredatên li wir bi kar tînin, ên mamosteyî bi xwe amade kirine û herwiha hinekên din in ku ji Herêma Kurdistanê anîne.

     

     

    Bi heman mijarî:

    Dibistana ku bi zimanê kurdî perwerde dida hate girtin
    'Tenê bi panel û daxuyaniyan zimanê kurdî nakeve nav jiyana civakê'
    Hejmara nipînû ya kovara zimanê kurdî Kanîzarê!
    Etîketan:
    kurmancî, soranî, Muhîdîn el Kurdî, Urdun, Kurdistan
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de