07:39 27 Nîsan 2018
    Efrîn - Sûriye

    Balyozê Rêxistina Aştiyê ya Cîhanî rewşa dawî ya Efrînê vegot

    © REUTERS / Mahmoud Hebbo
    Sûriye
    Lînkê kurt
    Operasyona Tirkiyeyê li dijî Efrînê (520)
    0 10

    Balyozê Pêwîstiyên Taybet ê Rêxistina Aştiyê ya Cîhanî Rêber Wehîd îro çarşemê ji Sputnikê re rewşa dawî ya Efrînê bi berfirehî rave kir.

    Wehdî ji Sputnikê re axivî û diyar kir ku "di encamên êrîşên hewayî û topbarankirina Tirkiyeyê li ser gundên Efrînê de 300 kes hatine kuştin û 1000 kes jî birîndar bûne."

    Herwiha Wehîdî destnîşan kir ku hejmara êrîşên hewayî yên li ser bajarokên sînorî ji 400 buhirîn û ragihand ku gelek kes ji gundên Hemamê aware bûne û çûne bajarê Efrînê ku heta niha hejmara awareyan gihiştiye 200 hezar kesî.

    Di berdewamiya daxuyaniyê de balyozê pêwîstiyên taybet ê Rêxistina Aştiyê ya Cîhanê bangî Hikûmeta Sûriyeyê kir da ku xak û gelê Sûriyeyê biparêze.

    Wehîd got ku ev erd sûrî ye û bi deh hezaran erebên ku berî niha ji Reqa û deverên din reviyabûn li vir in û dewam kir: Ti devera ewle ji bo wan tine û divê Hikûmet destwerdanê bike ji bo wan biparêze."

    Ji aliyê din ve, Wehîdî teqez kir ku "rewşa mirovî gelekî xerab e" û kêmasiya xwarin û dermanan azara sivîlan zêdetir dike.

    Wehîdî diyar kir ku balafirên Tirkiyeyê kampa Rûbarê bombebaran kiriye ku deh hezar aware lê bûn û tirs heye ku kampa Şehbayê ya li Tilrifetê jî were bombebarankirin, nexasim ku tijî aware ne.

    Mijar:
    Operasyona Tirkiyeyê li dijî Efrînê (520)

    Bi heman mijarî:

    Berdevkê NYyê li ser kuştina sivîlan li Efrînê daxuyanî da
    Nûnerê Kurd ê Rûsyayê: Ji bo Efrînê ti hevdîtin bi Sûriyê re çênebûne
    Mesihiyên Rojava li dijî êrişên ser Efrînê derketin
    Endamên Konseya Navendî ya TTBê ji ber daxuyaniya Efrînê hatin desteserkirin
    Economist: Erdogan derbasî rojhilatê Efrînê bibe dê her tişt serûbinî hev bibe
    Etîketan:
    Rêber Wehîd, Tirkiye, Efrîn
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de