15:04 25 Hezîran 2018
Valentina Matviyenko

Rûsyayê bersiva Hollande da: Em tawanên şer nakin

© Sputnik / Vladimir Fedorenko
Rûsya
Lînkê kurt
0 0 0

Seroka Konseya Federaysona Rûsyayê Valentina Matviyenkoyê bersiv da Serokê Fransayê François Hollande yê ku Rûsya û Sûriye bi pêkanîna tawanên şerî li Helebê tawanbar kiribûn.

Navenda Nûçeyan — Hollande ku bi Serokê Dewleta Rûsyayê Vladîmîr Pûtîn û Serokwezîra Almanyayê Angela Merkelê re Lûtkeya Normandiyayê ya çaralî pêk anî, piştî hevdîtina Sûriyeyê axivî û xwest ku bombebarankirina Helebê bê rawestandin.

Serokê frensî bi bîr anî ku tiştên li wê herêmê diqewimin di civîna wan de hat gotûbêjkirin û wiha dewam kir: "Tiştê niha li Helebê diqewime, tawanên şerî ne. Tiştekî giring e ku em bibêjin, divê hikûmeta Sûriyeyê û piştgirên wê bombebarankirinê rawestînin."

"HEMAN ÇALAKIYÊN MÛSILÊ"

Matviyenkoyê diyar kir ku gotinên Hollande nayên pejirandin û wiha got: "Çalakiyên Hêzên Hewayî-Ezmanî yên Rûsyayê û yên Artêşa Sûriyeyê wek yên Hevpeymana Navdewletî li Mûsilê ne. Nêzîkatiyeke hevşib heye, plan heye ku navbireke mirovî bê dayîn, bombebarankirin bê rawestandin û korîdor bên vekirin ta ku sivîl û milîtan bên texliyekirin."

"DIVÊ EM NEHÊLIN SENARYOYA LÎBYA Û IRAQÊ DUBARE BIBE"

Ji aliyê din ve, Matviyenkoyê teqez kir ku divê hevkarên rojavayî giringiyên xwe diyar bikin û wiha axiftina xwe dewam kir: "Eger Serokê Dewleta Sûriyeyê Beşar Esad dest ji peywira xwe berde, kaos dê çêbibe. Divê em nehêlin senaryoyên Lîbya û Iraqê dubare bibin."

 

Bi heman mijarî:

Matviyenko bi Kahraman re rûnişt: ‘Em pêbawer bûn ku wê têkilî asayî bibin'
Matviyenko: Em dest bi xebatên navparlamentoyê dikin
Matviyenko: Em nikarin xayintiya Tirkiyeyê efû bikin
Namzedê Serokatiya Amerîkayê: Heleb çî ye
“Heleb ji Sûriyeyê re, termê projeya kurdan ji Tirkiyeyê re”
Ihlam Ehmed: ‘Armanca Tirkiyê Heleb e'
Etîketan:
Şerê Helebê, Francois Hollande, Angela Merkel, Vladîmîr Pûtîn, Valentina Matviyenko, Heleb, Sûriye, Fransa, Almanya, Rûsya
Pîvanên civatêNîqaş
Şiroveyên di rêya Facebook deŞiroveyên di rêya Sputnîk de