16:53 26 Gulan 2018
Astana - Civînên Astanayê yên Sûriyeyê

Pisporê Rûsî: Dê Tirkiye zû dereng terka erdên dagirkirî yên Sûriyê bike

© REUTERS / Mukhtar Kholdorbekov
Rojhilata Navîn
Lînkê kurt
0 21

Berpirsê Navenda Lêkolînên Îranê Recep Safarov girîngiya hevdîtina Rûsya, Tirkiye û Îranê ya li Astana ya Kazakistanê anî ziman û got, pêvajo nîşan dide ku ev hersê welat di rola lîdertiya Rojhilata Navîn de ne.

Safarov ji medya rûsî re da xuyakirin, di civîna 6ê sibatê de ji bo pêkanîna rejîma agirbestê û kontrolkirina wê li ser komîsyoneke sê alî gotûbêj hatine kirin û got ku Rûsya, Tirkiye û Îranê bi biryarên Astanayê nîşan dan ku ew 3 aktorên serekî yên Rojhilata Navîn in.

'DÊ TIRKIYE ZÛ DERENG TERKA ERDÊN SÛRIYÊ BIKE'

Wî herwiha diyar kir ku ev hersê welat bêyî Ewropa, Amerîka û welatên erebî yên kendavê jî dikarin çareseriyê hilberînin ku ev jî rastiyeke nû ya polîtîkaya derve ye.
Safarov bal kişand ser ku hemû aliyên beşdarî civînan bûne yekbûna Sûriyê diparêzin û li ser piştgiriya Tirkiyê wiha axivî: "Tirkiyê jî di vê mijarê de piştgirî da. Û ev tê wê maneyê ku dê Tirkiyê zû dereng terka erdên ku li Sûriyê hatine dagirkirin bike."

Bi heman mijarî:

Li Tirkiyê 3 kes ji 'heqareta serokomar' hatin girtin
Barzanî ji bo mûçe wergirtinê sîstema bîyometrî ferz kir
Spûtnîk lîsteya wesayîtên DAIŞê belav dike
Jina Mûsilî ji Spûtnîkê re behsa hovîtiya DAIŞê dike
Artêşa Tirkiyeyê gundên Efrînê topbaran dike
Etîketan:
Pisporê Rûsî: Dê Tirkiye zû dereng terka erdên dagirkirî yê Sûriyê bike, Tirkiye, Rûsya, Îran
Pîvanên civatêNîqaş
Şiroveyên di rêya Facebook deŞiroveyên di rêya Sputnîk de