19:54 23 Mijdar 2017
Zindî
    El Bab

    'Artêşa Sûriyeyê derdora El-Babê dorpêç kiriye û Tirkiye têk diçe'

    © Sputnik/ Hikmet Durgun
    Rojhilata Navîn
    Lînkê kurt
    0 16640

    Operasyonê Artêşa Sûriyeyê ji bo kontrolkirina El-Babê ketine roja xwe ya 20an. Li gorî Rêxistina Çavdêriya Mafên Mirovan a Sûriyeyê, Artêşa Sûriyeyê hema derdora El-Babê dorpêç kiriye. Birêveberê Sohrê Ramî Ebdurehman teqez kir ku medyaya Tirkiyeyê derewan dike û Tirkiye dike nake nikare têkeve bajarî.

    Li gorî Sohrê, Artêşa Sûriyeyê ji hêla başûrê El Babê ve êrîş dike û heta niha kariye derdora bajarî dorpêç bike.

    Herwiha di heman çavkaniyê de wiha tê gotin: "Piştî têkçûna Artêşa Tirkiyeyê û hêzên Mertala Firatê ku wan nekarîbû bi pêş de biçin û bajarokê Biza'ayê kontrol bikin, Artêşa Sûriyeyê bi pêş de çû û derdora bajarî kontrol kir."

    "NÛÇEYÊN MEDYAYA TIRKIYEYÊ, DÛRÎ RASTIYÊ NE"

    Ji aliyê din ve, Birêveberê Sohrê Ramî Ebdurehman derbarê nûçeyên medyaya Tirkiyeyê yên behsa serkeftinên Artêşa Tirkiyeyê dikin de wiha got: "Eger em bi awayekî heöma lezgîn bihesibînin. Li gorî nûçeyên medyaya Tirkiyeyê, Artêşa Tirkiyeyê ji destpêka operasyona Babê ve, 3 hezar endamên DAIŞê kuştine. Lê ev gotin, têkiliya wê bi rastiyê re qet tine. Lewra ew dixwazin ji aliyê medyayê ve wiha nîşan bibin ku gelek endamên DAIŞê kuştine, lê heta vê kêlîkê şer û pevçûn li derdora El-Babê berdewam dikin û hîn nekariye têkeve bajarî, piştî ku Tirkiye têk çû û nekarî têkeve bajarî. Heta niha jî hewldana heye ku bajarokê Biza'ayê ya li rojhilatê El-Babê konrol bike."

     

    Bi heman mijarî:

    DAIŞê El Bab tijî teqemenî kiriye
    Artêşa Tirk: Riya El Bab û Helebê bi temamî hat kontrolkirin
    Balafirên Tirkiyê El Bab bombardiman kir
    Kurtulmuş: Hindik maye El Bab bê kontrolkirin
    Artêşa Tirk: Rêya El Bab û Minbicê hate kontrolkirin
    Piştî Cerablûsê hedefa ASAyê El Bab e
    Etîketan:
    DAIŞ, Ramî Ebdurehman, El-Bab, Sûriye, Tirkiye
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de