20:25 16 Tebax 2017
Zindî
    Operasyona Mûsilê destpê kir

    Ji gelê Mûsilê hat xwestin ku li dijî DAIŞê serî hilde

    © AFP 2017/ Ahmad Al-Rubaye
    Rojhilata Navîn
    Lînkê kurt
    0 11 0 0

    Hêzên polîs ên Iraqê di çarçoveya operasyonên van 2 rojan de li başûrê Mûsilê 352 kîlomitro ax ji destê DAIŞê girtin û Cîgirê berê yê Serokwezîrê Iraqê Salih Mutlaq banga gelê Mûsilê kir ku li hemberî DAIŞê serî hilde.

    Navenda Nûçeyan — Serokê Rêxistina Polîsên Federal a Iraqê Raîd Cevdet di daxuyaniya xwe ya niviskî de diyar kir ku hêzên polîsan di çarçoveya operasyonên van 2 rojan de li başûrê Mûsilê 352 kîlomitro ax ji destê DAIŞê girtiye.

    Serekê sunniyan û Cîgirê berê yê Serokwezîrê Iraqê Salih Mutlaq jî di axaftina xwe ya televîzyonê de bangewaziya gelê Mûsilê kir û ji wan xwest ku "li hemberî DAIŞê serî Hilde."

    Mutlaq ê ku li parlamentoya Iraqê serokê Koma El Arabiyeyê jî, got "divê li hemberî sivîlên ku li Mûsilê di bin dorpêçkirinê de ne, li gorî prensîbên mafên mirovî were tevgerîn." Mutlaq daxwaz kir ku bila îxtilafên siyasî yên li welêt bidin aliyekî û li dijî DAIŞê piştgiriya artêşê were kirin.

    Ji aliyê din ve serekê Heşdî Şe'bî ya Şîa Hadî Amîrî jî diuar kir ku milîsên Şîa wê nekevin navenda bajarê Mûsilê. Amîrî got tenê artêş û hêzên polîsan wê têkevin navenda bajêr.

    Etîketan:
    serhildan, gel, DAIŞ, Koma El Arabiyeyê, Cîgirê berê yê Serokwezîrê Iraqê, Heşdî Şe'bî, Hadî Amîrî, Salih Mutlaq, Iraq, Mûsil
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de