04:26 24 Îlon 2017
Zindî
    Fexriye Adsay

    ‘'Hêrsa me dibe hibr..''

    © Foto:
    Rojhilata Navîn
    Lînkê kurt
    0 18601

    Çîroknûs û romanûs Mihemed Şarman li ser desteserkirina Fexriya Adsayê go: ‘'Hêrsa me ya li hember van tiştan dibe hibr!''

    Omer Faruk Baran

    Amed — Nivîskar, wergêr û edîtor Fexriya Adsay ji alîyê polîsên dewleta tirk ve roja Şemiyê li mala xwe ya li Amedê hat desteser kirin. Heta vê saetê jî rayedarên dewletê ti agahiyên fermî li ser sedema desteserkirina Adsayê nedane.

    Parêzer Sıtkı Zîlan jî ji Sputnik Kurdistanê re diyar kir ku ji ber rewşa awarte hîn sê çar rojên din jî ti kes nikare bi Adsayê re hevdîtinê pêk bîne. Zîlanî got: ‘'Fexriya Xanim, şexsiyeteke siyasî û kadroyeke hêja ye ji bo xebatên bi Kurdî. Bes sedema desteserkirina wê hê jî ne zelal e, em çi bibêjin dê bibe manîpulasyon. Heta sê çar rojan wê destûrê ji bo hevdîtinê bidin, em encax wê demê dikarin sedemê hîn bibin.''

    ‘'NE ENDAMA SENDÎKAYEKÊ BÛ''

    Fexrîya Adsaya ku mamoste ye yek ji wan 11 hezar û 250 mamosteyên ku ji kar hatine dûr xistin bû jî.

    Akademîsyenê Zanîngeha Dîcleyê Aziz Yagan, di malpera Nerinaazad de bi tirkî nivîseke ku nav ‘'Medeni Ölüm, Alternatif Model, Fahriye Adsay'' (Mirina Medenî, Modela Alternatîv, Fexriya Adsay) nivîsand û di wê nivîsê de destnîşan kir ku Adsay tevî ku ne endama sendîkayekê ye jî ji kar hatiye dûr xistin û propagandaya ku tê de tê gotin ‘'mamosteyên sendîkayî ji kar têne dûr xistin'' propagendeyeke şaş e.

    "HÊRSA ME DIBE HIBR!"

    Fexrîya Adsaya ku bi berhem û wergerên xwe tê nas kirin, herwiha edîtora Kovara Zaremayê ye. Bajar Mîrzeman, Cîhan Kaynar, Recep Dildar, Çetoyê Zêdo, Sidqî Hirorî, Husên Duzên, Ciwanmerd Kulek jî di nav de gelek nivîskaran li ser hesabên xwe yên Facebook û Twitterê desteserkirina Adsayê şermezar kirin û piştgirî ji bo Adsayê nivîsandin.

    Çîroknûs û romanûs Mihemed Şarmanê ku di lijneya Kovara Zaremayê de cih digire li ser desteserkirina Adsayê ji Sputnik Kurdistanê re wiha got: ‘'Fexriya Adsay xemxwira zimanê Kurdî ye. Em dizanin, nivîskariya bi Kurdî barekî giran e û kedkarên vî zimanî di vî zemanî de bûne hedefê ehmeqan. Hêrsa me ya li hember van tiştan dibe hibr û îlham. Cîhê Fexrîya Xanimê ne dadgeh û girtîgeh e, odeya xebatê ye."

    Fexriya Adsaya ku li Amedê mamostetiya zimanê Îngilizî dikir ji beşa dîrokê ya ODTUyê derçûye. Adsay ji Tirkî û Îngiliîzî heta niha 11 pirtûk wergerandine ser zimanê Kurdî.

    Bi heman mijarî:

    Gerînendeya Giştî ya Kovara Zaremayê hate desteserkirin
    Mamosteyên Kurdistanê dest bi xwepêşandanan kirin
    Mamosteyên Kurdistanê ji bo muçeyên xwe derketin kolanan
    Li Amedê 19 mamosteyên endemê Egitim-Senê hatin desteserkirin
    Mamosteyên ''Mamoste'' jî ji kar hatin dûr xistin...
    Derheqê mamosteyên ‘Aştîxwaz' lêpirsîn!
    Etîketan:
    hibr, hêrs, Zanîngeha ODTUyê, Gerînendeya Kovara Zaremayê, Ciwanmerd Kulek, Azîz Yagan, Sitki Zilan, Mihemed Şarman, Fahriye Adsay, Amed
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de