20:30 27 Gulan 2018
Gulmurod Halimov

Fermandarê tacikî ku Amerîkayê perwerde kiribû, bû berpirsyarê DAIŞê yê Iraqê

© Foto : Youtube / CATV NEWS
Rojhilata Navîn
Lînkê kurt
0 01

Fermandarê tacikî Gulmurod Halimov ku Amerîkayê ew perwerde kiribû û paşî ji bo kuştina wî xelat danîbû, bû berpirsê herî bilind ê DAIŞê yê operasyonên Iraqê.

Navenda Nûçeyan — Fermandarê tacikî Gulmurod Halimov ku Amerîkayê ew perwerde kiribû û paşî ji bo kuştina wî xelat danîbû, ji terefê rêxistina terorîst a DAIŞê ve wekî berpirsê herî bilind ê operasyonên qada Iraqê hat tayînkirin.

Gulmurod Halimov berê di nava hêza taybet a Artêşa Tacikîstanê de mîralay bû û wekî nîşangir (Sniper) wezîfe dikir. Halimov sala borî di daxuyaniya xwe de ragihandibû ku tevlî rêxistina DAIŞê bûye û Amerîkayê jî ji bo kuştina 3 milyon dolar xelat danî serê wî. DAIŞê Halimov wekî berpirsê seranserê Iraqê yê rêxistinê tayîn kir. Nûçeya tayînkirina Gulmurod Halimov ji terefê ajansa Al Sumaria ku dispêrê çavkaniyekî li herêma Ninovayê û bi ewle ragihandiye.

Piştî kuştina Şîşanî hat tayînkirin

Al Sumaria di berdewamiya nûçeya xwe de dibêje: "Piştî ku berpirsê rêxistina DAIŞê yê seranserê Iraqê Ebû Omer el Şîşanî ku wekî navê Çeçen dihate zanîn di meha tîrmehê de hat kuştin, Halimov li şuna wî hat tayînkirin."

Perwerdehiya xwe li Amerîkayê dît

Ji aliyê din ve Gulmurod Halimov ji terefê hikumeta Tacikîstanê ve wekî qaçax lê tê gerîn. Halimov di dema borî de ji bo perwerdeya tektîkên şer ên taybet bibîne ji terefê hikumetê ve çibû Amerîkayê û di nava hêza dijteror û ewlehiya dîplomatîk ên girêdayî Wezareta Derve ya Amerîkayê de perwerdeya taybet dîtibû.

Bi heman mijarî:

Kuştina fermandarê DAIŞê Ebû Omer El Şîşanî hat piştraskirin
Omer El Şîşanî dîsa hate kuştin
Amerîka: ‘Wezîrê şer ê DAIŞê Ebû Omer El Şîşanî hat kuştin'
DAIŞê sere El Şîşanî jê kir
Etîketan:
Perwerdeya Artêşa Amerikayê, Rêxistina terorîst a DAIŞê, Ebû Omer el Şîşanî, Gulmurod Halimov, Iraq
Pîvanên civatêNîqaş
Şiroveyên di rêya Facebook deŞiroveyên di rêya Sputnîk de