04:43 22 Hezîran 2018
Jinûve avakirina Kobanê

Şaredariyên kurd bi hevparî Kobanê ava dikin

© Foto: ANHA
Rojhilata Navîn
Lînkê kurt
0 01

Piştî berxwedana dîrokî ya şervanên YPGê û YPJê komên xwînrij ji Kobanê hatin paqişkirin û niha jî gelek şaredariyên bajarên kurda bi hevparî bajêr jinûve ava dikin.

Kobanê - Piştî ku li Kantona Kobanê xebatên jinûve avakirinê dest pê kir, şaredariyên gel ên bajarê kurdan tavilê xizmetên xwe pêşkêşî Rêveberiya Xweseriya Demokratîk a Kobanê kirin û ligel 40 alav û maşîneyan berê xwe dane Kobanê.

Li gorî nûçeya ANHAyê 11 şaredarî  bi israr derbasî Kobanê bûn û nêzî 500 karker bi xwe re anîn. karkeran bi hevkariya 33 endezyarên pispor dest bi xebatên paqijkirina bermahiyên komên xwînrij kirin.

Di van 8 mehan de van şaredariyan nêzî 2 milyon ton ji bermahiyên hovîtiya çeteyan ji bajêr hatin derxistin. Herwiha şaredariyên gel ên Bakur xebatên xwe fireh kirin û li gelek gundên herêmê jî xebat dane meşandin.

Di nûçeyê de hat gotin ku şaredariyan ji bo made û pêdiviyên avakirinê peyda bikin, gelek kargeh ava kirin û kargehên li gundên Minaz û Çelebiyê jinûve aktîf kirin. Ev yek jî di birêvebirina kar û xebatan de gelekî bûn alîkar.

Tevî ku dewleta tirk li hemberî xebatên van şaredariyên bajarên kurdan dibû asteng jî şaredariyan bi hemû hêz û derfetên xwe kar dane meşandin û xebatên xwe bi awayekî çalak domandin.

Bi heman mijarî:

Yuksekdag: Em gavekê jî paş ve naçin
Endamê PM a DBPê hate binçavkirin
Li Cizîrê zarokek hate kuştin!
Ji Kaos Glyê ji bo Akademîsyenên Aştîxwaz piştgirî
Etîketan:
Kobanê
Pîvanên civatêNîqaş
Şiroveyên di rêya Facebook deŞiroveyên di rêya Sputnîk de