09:56 24 Nîsan 2018
    Kosret Resûl

    Kosret Resûl: Êrîşa Kerkûkê plangeriyeke piralî ye

    © Sputnik / Hikmet Durgun
    Nûçe
    Lînkê kurt
    0 11

    Cigirê Fermandarê Giştî yê Hêzên Çekdarên Kurdistanê Kosret Resûl ferman da fermandarên pêşmerge û ragihand: Ji bilî Fermandariya Giştî ya Hêzên Çekdarên Kurdistanê, fermanê ji ti kesî wernegrin."

    Cîgirê Yekemîn ê Sekreterê Giştî yê YNKê û Cîgirê Fermandarê Giştî yê Hêzên Çekdarên Kurdistanê Kosret Resûl îro li Silêmaniyê ji fermandarên pêşmerge yên eniya başûrê Kerkûkê re civînek saz kir. Di civînê de fermandarên pêşmerge Cefer Şêx Mistefa û Westa Resûl jî amade bûn.

    Li gorî daxuyaniya nivîsgeha Kosret Resûl, di civînê de Resûl behsa rewşa siyasî ya Kurdistanê kiriye, êrîşa ser Kerkûk û navçeyên Kurdistanî weke plangeriyeke piralî binav kiriye û gotiye: "Dewleta Iraqê bi artêşeke mezin û hêzeke zêde ya mîlîsên Haşdî anîne ser Kerkûk, Xurmato û navçeyên din ên Kurdistanê." Resûl daye zanîn ku li gel ne hevsengiya hêzê jî, wan karîye li hemberî êrîşan bisekinin û berevaniya axa Kurdistanê bikin.

    Herwiha Kosret Resûl ji hemû fermandaran xwestiye bi hemû şiyana xwe ve hêzên xwe birêxistin bikin û nehêlin moralê pêşmerge bikeve.

    Li gorî daxuyaniyê Kosret Resûl ji fermandarên pêşmerge re gotiye, ji xeynî Fermandariya Giştî ya Hêzên Çekdarên Kurdistanê, fermanên leşkerî ji ti kes an jî berpirsê hêzeke din wernegirin, ku ne di asta wê berpirsiyariyê de ne. Resûl daye xuyakirin, ku wergirtina fermanên ji kesên din dê bibe xeletiyeke leşkerî û sebeba şikestineke mezintir.

    Bi heman mijarî:

    Parlamento îro bi mijara Kerkûk û êrişa Haşdî Şabî dicive
    Hejmara kurdên ji Kerkûk û Xurmatûyê koçber bûn eşkere bû
    Berpirsê îranî: Nabe Kerkûk di destê dijminan de be
    NY di derbarê bûyerên li Kerkûk û Xurmatûyê de daxuyaniyek belav kir
    Rûsya: Dibe şer û pevçûn li Kerkûk û derdora wê dewam bike
    Kerkûk çawa hate kirîn?
    Etîketan:
    çekdar, artêş, ferman, Kosret Resûl, Kurdistan
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de