06:08 22 Sibat 2018
Zindî
    Li bajarê Viernheim ê Almanyayê kesekî çekdar li saloneke sînemayê gule reşand. Hate zanîn ku birîndar hene

    Li Elmanyê êrîş pêk hat: Kesê êrîşkar hate kuştin

    © Foto: Rhein-Neckar Fernsehen
    Nûçe
    Lînkê kurt
    0 0 0

    Li bajarê Viernheim ê Elmanyayê kesekî çekdar li saloneke sînemayê êrîş pêk anî. Hate zanîn ku bi dehan kes birîndar bûne. Wezareta Karê Hundir a Eyaletê ragihand ku êrişkar di encama operasyonê de miriye. Derbarê sedema êrîşê de heta niha ti daxuyanî nehate dayin.

    Elmanya — Hin çavkanî didin xuyakirin ku di saet 15.00ê de li mall a Rhein-Neckar-Zentrumê li sinemaya Kinopolisê kesekî ku nasnameya wî ne diyar êrîş pêk anî. Li gorî çapemeniya elmanî di encama êrîşê de 25 kes ji ber gaza çavşewitandinê birîndar bûne. Herweha hate ragihandin ku rewşa kesên birîndar baş e.

    Rojnameya Bildê îdia kir ku êrîşkarê rûpoşkirî hatiye girtin, lê ev agahî ji hêla rayedaran ve nehatiye piştrastkirin.

    40 KES REHÎN GIRT

    Hin kesên şahidî li bûyerê kirine diyar kirin ku êrîşkar nêzîkî 40 kes rehîn girtiye û hin kes jî karîbûn ji salona sînemayê birevin. Hêzên taybet ên bi ser polîsên Frankfûrtê ve girêdayî ne, çûne ciyê bûyerê. Hate îdiakirin ku polîsan operasyon li dar xistine.

    Wezareta Karê Hundir ê Eyaletê ragihand ku êrişkar di encama operasyonê de miriye û rehîne jî serbest mane. Li gorî daxuyaniya Wezaretê, êrîşkar ji hêla hêzên taybet yên bi ser asayişa federal a Elmanyayê ve giredayîne hatiye kuştin.

    Rayedarên asayişê aşkere kirin ku kesê êrîşkar xwedî dêrûniya wî ne li cî bûye. Hin kesên şahidê bûyerê jî gotin ku di destê wî de tenê bombeya gazê hebûye.

    Bi heman mijarî:

    Li Brûkselê alarma bombeyê
    Metrogeha Brûkselê ya 16 kes lê hatibûn kuştin bi temamî hat vekirin
    Li Brûkselê teqîn: 34 kesan jiyanên xwe ji dest dan
    Êrişkarê Orlandoyê Omer Metin, çawa di bin taqîba FBIyê de çek standin
    Li Parîsê di krîza rehîneyan de xwîn rijiya: 3 kuştî
    Etîketan:
    rehîne, gulereşandin, êrîşa çekdarî, Viernheim, Frankfurt, Elmanya
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de