13:57 25 Nîsan 2018
    Amedspor

    ‘Hewcedariya kûlubên Diyarbekirê bi rêvebirên zane û rewşenbîr heye'

    © Foto : Şaredariya Mezin a Bajêr ya Amedê
    Nêrîn
    Lînkê kurt
    Vejdi Uluç
    0 0 0

    Fitbolîstê Diyarbakirsporê yê berê û şîrovekarê sporê Ramazan Kahramaner rewşa tîmên Diyarbekirê, pirsgirêkên sereke, sedemên sernefiraziyên kûluban û herwiha çarserkirina pirsgirêkên kûlubên Diyarbekirê ji Sputnık Kurdistanê re nirxand.

    Fitbolîstê Diyarbakirsporê yê berê û şîrovekarê sporê Ramazan Kahramaner bi giştî behsa pirsgirêkên kûluban kir û got, wekî ku em dizanin fitbol di nav lîstikên werzişê de lîstika herî bi kêf û coş e ku li giştiyê cîhanê herî zêde jê tê hezkirin û tê lîstin. Her wiha jin, kal, pîr ciwan û xort herî zêde bi temaşekirina fitbolê dilşadin û di nav tîmên welat yan jî kûlubên cîhanê de hem ji ber fitolîstên navdar û hem jî ji ber lîstika tîmê ji temaşe kirinê kêfweş dibin û piştgiriyê didin timên biyanî an jî xwemalî.

    ‘TÎMÊN DIYARBEKIRÊ JI SEDEMÊN CÛRBICÛR DI REWŞEK NEBAŞ DE NE'

    Şîrovekarê werzişê Kahramaner da zanîn ku li Tirkiyeyê jî li gellek bajaran hemwelatî, bi kêf û coşa lîga fitbolê demên xwe bi pêşbirkan derbas dikin û bi piştgiriya ku dide tîma xwe dilşad dibin, kêfxweş dibin. Herwiha ji wan bajaran yek jî Diyarbekir e ku beriya niha bi tîma navê bajêr Diyarbakirspor di Lîga Super a Spor Totoyê de li hember gellek tîmên mezin û navdar yên Tirkiyeyê têkoşiya û li bajêr dibû sedema kêfxweşiyek bêhempa û coşek mezin, lê niha wexta ku em dinêrin tîmên diyarbekirê ji ber gellek sedeman di rewşek nebaş de ne.

    ‘JI BO SERKEFTINAN RÊVEBIRÊN REWŞENBÎR, KESAYETÊN ZANE LAZIM IN'

    Kahramanerê ku di fitbola bajarê Amedê de xwedî parek mezine, bilêv kir ku li gor min ji bo kûlubek fitbolê ya herî girîng rêvebirî ye, rêvebirî hertiştê kûlubê ye, jê re zanebûn lazim e, derfet lazim e, lê di kûlubên Diyarbekirê de hersê tişt jî tunene, kesên ku bi daxwaza birêvebirina kûlubê dest bi pêywirê dikin ji van taybetmendiyan gellekî dûr in û ji têgeha fitbolê bêpar in. Bi kurtasî hewcedariya kûlubên Diyarbekirê bi rêvebirên zane û kesayetên rewşenbîr hene.

    ‘BI QASÎ ZANEBÛNA RÊVEBIRAN TÊGIHÎŞTÎNA FITBOLÎSTAN JÎ GIRÎNG E'

    Kahramaner got ku herçiqas em bêjin zanebûna rêvebir ji bo kûlubekê pir girîng e, têgihîştina fitbolîstan jî hewqas girîng û mijarek taybet e, divê di binesaziya kûluban de fitbolîst bigîhên lê êdî wek berê fitbolîst nagihêji. Diyarbekir jî di nav de li Tirkiyeyê fitbolîst gello ji bo çi nagihêjin divê sedemên vê pirsgirêkê bên lêkolînkirin ku fitbolîstên xwemalî derkevin piyaseyê. Di nav 5-6 salan de herdu tîmên Diyarbekirê herî kêm 25-30 mîlyon lîre pere xerc kirin e, lê mixabin wexta em lê dinherin li holê ti tişt tuneye.

    ‘BI RÊVEBIRIYEK RÊXISTINÎ DIVÊ KÛLUB JI NÛ VE WERIN SAZKIRIN'

    Bi ya min hewcedariya kûlubên Diyabekirê herî zêde bi rêvebiriyek nûjen, zane û rêxistînî heye, divê hevkarî di navbera wan de hebe, alîkariya hev bikin. Bi mirovên bijarte civîn bên kirin, pirsgirêkên kûluban derbixin holê ku sedem diyar bibin. Herwiha bi diyarkirina sedeman çareserkirin hêsan dibin. Divê hertişt ji nû ve dest pê bike ku kûlub ji nû ve bên sazkirin, mixabin hewcedariya me ya herî zêde bi vê heye. Piştî ku ev hemû pirsgirêk çarser bûn, rêvebir bi organîzatoriya xwe wê kûlubê pêş de bibe.

    Bi heman mijarî:

    'Kurd di Kûpaya Cîhanê de wê bêkêf bin, dert û kulên wan zêdê ne'
    ‘Kûpaya Cîhanê ji bo gelê Kurd û Rojhilata Navîn wê bi kelecan derbas bibe'
    ‘Tîmên Elmanya û Fransa di serî de gellek favoriyên Kûpaya Cîhanê henin'
    ‘Kûpaya Cîhanê wê di navbera Messi û Dewletên Ewropayê de derbas bibe'
    Pisîka kahîn Аşil ji bo Kûpaya Cîhanê dest bi diyetê kir
    Etîketan:
    kûlub, fitbol, amed, werziş, Sputnik Kurdistan, Ramazan Kahramaner, Tirkiye
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de