16:18 20 Sibat 2018
Zindî
    Civîna ji bo meseleya riya Mûsil û Dihokê

    Piştî sê salan rêya sereke ya di navbeyna Dihok û Mûsilê hat vekirin

    © Foto: Walîtiya Mûsilê
    Nêrîn
    Lînkê kurt
    Osman Başqalî
    0 0 0

    Piştî zêdetirî sê salan rêya sereke ya di navbeyna Dihok û Mûsilê de ku ji dema ketina destê DAIŞê vir ve girtî bû, bi awayekî fermî hat vekirin.

    Sengera Pêşmerge li dorûbera Mûsilê
    © REUTERS/ Ari Celal
    Derbarê mijarê de berpirsê Medyaya Yekîştiya Niştimanî ya Kurdistanê (YNK) li parêzgeha Mûsile, Xeyas Surçi ji Sputnik Kurdistanê re axivî: "Doh herdu aliyên berpirs li Dihok û Mûsilê cîvînek lidarxistin. Yek ji mijarên sereke ya civînê jî vekirina rêya di navbeyan Dihok û Mûsilê de bû. Piştî biryara vekirina rêyê çûn û hatina welatiyan û bizava bazirganiyê bi awayekî asayî destpê kir."

    RÊYA MÛSILÊ DÊ JI ÎRO Û PÊ VE ŞEV Û ROJ VEKIRÎ BE

    Sûrçi herwiha got, "Berî niha rê bi tenê ji bo fermanberan re vekirbû û welatiyên bi awayekî asayî nedikarîn biçin û bên lê ji îro û pê ve rêya Dihok û Mûsilê dê şev û rov vekirî be."

    Berprisê Medyaya YNKê got, "Ta niha ji ber rewşa siyasî û ewlehyiê tu partiyên kurd venegeriyane Mûsile û heta radeyekê rewş aram nîn e. Bi tenê % 1ê welatiyên kurd vegeriyanê Mûsilê. Yê vedigerin jî ji bêgavî û neçariya aborî vedigerin Mûsilê. Niha YNKê li bajarokê Başukê û deverên din ên ku kurdên şebek û êzîdî baregehên xwe vekirine.

    ‘PIRANIYA XELKÊ VENAGERIYANE MÛSILÊ, ÇIMKÎ CIH Û WAR JI XELKÊ RE NEMAYE'

    Xeyas Surçi derbarê vegera penaberan bo Mûsilê diyar kir ku, "Heta niha nêzî 200 hezar xelkê Mûsilî yên penaber di kampan de dimînin û nêzî 300 hezar penaberî venegeriyane. Sedema wê yekê jî ew e ku piraniya xanî û avahiyên Mûsilê ji ber şerê DAIŞê bi tevahî wêran bûne û cih û war ji xelkê re nemaye. Kesên ku vedigerin piranî xelkên deste çepê û derora Mûsilê ne."

     

     

    Bi heman mijarî:

    Rêya Dihok û Mûsilê vebû
    Li başûrê Mûsilê şer: 60 kuştî
    'Dema ku koalisyonê Mûsilê ji DAIŞê paqij kir, herî kêm 9 hezar sivîl mirin'
    Koçberên Mûsilê hê jî nikarin vegerin malên xwe
    Pêşmerge ji bendava Mûsilê vekişiyan û Artêşa Iraqê niha kontrol dike
    Etîketan:
    Çûnûhatin, Bazirganî, Rêya Dihok û Mûsilê, , Sputnik Kurdistan, Xeyas Sruçi, Dihok, Mûsil
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de