09:03 24 Sibat 2018
Zindî
    Pirtûk

    2 girtiyan ‘Ferhenga Mîtolojiya Kurdî' amade kirin

    © Sputnik/ Vladimir Pesnya
    Nêrîn
    Lînkê kurt
    Ayşegul Ozmen
    0 123

    2 girtiyên kurd li girtîgehê ferhengek amede kirin derbarê mîtolajiya kurdî de. Derbarê ferhengê de Serokê Enstîtuta Kurdî a Stenbolê a ku hate girtin, Sami Tan destnîşan kir ku pirtûk xwe dispêre çavkaniyên Mezepotamya û cîhanê ên kurd û têkildarî kurdan.

    2 girtiyên kurd li girtîgehê di mercên girtîgehê de ferhengek mîtolojiyê amadekirin. Ferheng ji aliyê Enstîtuya Kurdî ve bi navê ‘Ferhenga Mîtolojiya Kurdî' hate weşandin. Ji ber herdu nivîskarên bi navê Kamuran Yitik û Ramazan Çeper hêj di girtîgehê de ne, li ser navê wan  Serokê Enstîtuya Kurdî a Stenbolê, a ku di çarçoveya Biryarnameyên di Hikmê Qanûnan de hatibû girtin, Sami Tan derbarê ferhengê, naverok û çavkaniyên wê hin agahî da Sputnik Kurdistanê.

    Tan dibêje nivîskarên ferhengê Kamuran Yitik û Ramazan Çeper di nava mercên giran ên girtîgehê de, ev berhem amade kirine diyarî xwendekarên kurd kirine.

    ‘ÇAVKANIYÊN FERHENGÊ  DIYARDE Û ÇÎROKÊN MÎTOLOJÎK ÊN KURDAN E'

    Tan diyar kir ku ferheng li ser çavkaniyên mîtolojîk ên li Mezepotamya û cîhanê hatiye amadekirin û wiha pê de diçe: " Ferheng çavkaniyên xwe çavkaniyên cîhanî, hinek diyarde û çîrokên mîtolojîk ên kurdan û têkildarî kurdan de neqandiye."

    Tan di dirêjahiya axaftina xwe de behsa mijarên sereke ên ferhenga mîtolojîk dike û dibêje mijara sereke a jî mijara ‘afirandinê' ye.

    Tan wiha pê de çû: "Di fehengê de li ser çend çîrokên sereke hatiye rawestîn. Wek a Newrozê,  Ristemê Zal, Memê Alan ku bingeha wan a mîtolojîk heye.  Gelek caran çavkaniyên îranî ên têkildarî kurdan jî hatiye bikaranîn. Herwiha bêhtir jî çavkaniyên gelêrî ên kurda di ferhengê de cih digrin."

    ‘BILA BERHEMÊN WISA DERKEVIN Û RONAHIYÊ BIBÎNIN Û BÊN NÎQAŞKIRIN'

    Sami Tan balê dikşîne ser pêvajoya amadekirina ferhengê û dibêje xebatên bi vî awayî derfetên gelekî baş dixwazin lê ev ferheng di şertên girtîgehê de hatiye amadekirin û wiha pê de diçe: "Dibe ku hin kêmasiyê ferhengê hebin, lê dîsa jî me xwest ku em biweşînin. Lewra em dixwazin ku berhemên bi vî awayî derkevin ronahiyê bibînin û bên nîqaşkirin da ku berhemên zêdetir  û baştir derkevin holê."

    ‘XEBATEKE ZANISTÎ YA BI KURDÎ YE, LEWMA JÎ HÊJA YE'

    Tan di dawiya axaftina xwe de eşkere dike ku kurd zimanê xwe di hemû qadên jiyanê de bikar tînin û divê bînin jî û ev ferheng jî di warê mîtolojîk de jî wekî ceribandinekê ye.

    Tan eşkere dike ku xebatên lêkolînî ji ber hincetên ‘kurdî têrê nake'  û xwendekarên kurdî tune ne, her bi zimanên din tên kirin û wiha dewam kir: "Ev xebat xebateke zanistî ya bi kurdî ye û ji ber vê yekê li ber dilê me qedirbilind û hêja ye."

    Bi heman mijarî:

    Agahiyên wêje û weşangeriya bi kurdî di KurdîLitê de kom dibin
    Yekîtiya Weşangerên Tirkiyê: Bila dewlet piştgiriya weşangeriya zimanê dayikê bike
    Pirsgirêkên weşangeriya zimanê zikmakî wê bên nîqaşkirin
    Li Hesekê pirtûkxane şewitî
    Pirtûkxaneya Kurdî li benda alîkarîyan e
    Etîketan:
    memê alan, rûstemê zal, ferhenga mîtolijiya kurdî, weşanên enstîtuya kurdî, newroz, çîrokên kurdî, sami tan
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de