08:34 23 Nîsan 2018
    Şivan Perwer

    Şivan Perwer peyam derbarê Efrînê de da

    © Foto: Public Domain
    Kurdistan
    Lînkê kurt
    Operasyona Tirkiyeyê li dijî Efrînê (520)
    0 40

    Hunermendê kurd Şivan Perwer diyar kir ku dilê wî ligel gelê Efrînê ye, "Em amadene her tişta ji destê me tê bo Efrîn, Şingal, Kerkûk, Kirmaşan û tevahiya Kurdistanê bikin."

    Şivan Perwer derbarê Efrînê de ji Rûdawê re axivî û got: "Kurdistan welatek gelek mezin, berfireh û xweş e. Ji Kirmanşan bigre heta Mehabad, Amed, Efrîn û Qamişlo raserê Kurdistanê weke bihuşt e, lê mixabin perçe bûye û ne di destê miletê kurd de ye."

    Derbarê erdheja Kirmaşanê de Perwer xemgîniya xwe diyar kir û wiha domand: "Berî niha li Kirmnaşanê erdhejek çêbû û gelê kurd di rewşeke gelek xirab de bû û derdora wê şer û pevçûn hebûn loma alîkarî pêwîst negihîşt xelkê Kirmanşanê. Ew bajareke dîrokî û kurdewarî yê Kurdistanê ye. Ez rêz û slavên xwe bo xelkê me yên Kirmanşanê dişînim. Ez niha jî taybet bo Kirmanşanê stranekê çêdikim."

    ‘KARESATÊN MEZIN LI SER GELÊ KURD HENE'

    Perwer da zanîn ku berî niha li Şingal û Kerkûkê karesatên mezin bi ser gelê kurd de hat û derbarê êrişên bo ser Efrînê de jî wiha got: "Miletê kurd di bin zext, êş û dagiriyeke gelek mezin de ye. Niha jî li Efrînê dagiriyeke gelek mezin heye. Efrîn yek ji cihên Kurdistanê yê herî bedew û xweş e. Ew bax, baxçe û hêşînkayiya li Efrînê heye, li ti ciheke din nîne."

    ‘KURD WEK KURMÊ DARÊ DI NAV HUNDIR DE HEV DU RÊK DIBIN'

    Şivan Perwer destnîşan kir ku, "Her çend kurd li hemberî şer li berxwe didin, lê di navbera hêz û tevgerên kurdî de yekîteyek nîne. Kurd wek kurmê darê di nav hundir de hevdu têk dibin. Heger kurd bibana yek wê demê cîhanê dê wan nas bikiran. Ji bo Efrînê dilê me gelek diêşe, em amadene her tişta ji destê me tê bo Efrîn, Şingal, Kerkûk, Kirmaşan û tevahiya Kurdistanê bikin."

    Mijar:
    Operasyona Tirkiyeyê li dijî Efrînê (520)

    Bi heman mijarî:

    Rewşa dawî ya şerê Efrînê û navçeyên ku şer li wan diqewime
    'Dinya li Xûtaya Rojhilatî dinere û sivîl li Efrînê tên serjêkirin'
    YPJ: Balafirên Tirkiyeyê derdora bajarê Efrînê bombebaran dikin
    'Şerê li Efrînê li dijî prensîpên NATOyê ye'
    Ji bo Efrînê banga liv û tevgera lezgîn ji OHCHRyê hat kirin
    Etîketan:
    kurd, efrîn, Rûdaw, Şivan Perwer
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de