02:25 20 Nîsan 2018
    Konferansa Netewa kurd

    Konferansa yekêtiya netewa Kurdistanê hat lidarxistin

    © Sputnik / Osman Başqalî
    Kurdistan
    Lînkê kurt
    Osman Başqalî
    0 0 0

    Li bajarê Silêmanyê bi beşdariya bêtirî 300 siyasedmedar, parlamenter, mamoste û rewşenbîr ên kurd konferansa netewa Kurdistanê hat lidarxistin.

    Endamê Partiya Yekîtiya Netewa Demokratîk a Kurdistanê Şaxewan Xalid derbarê armanca konferansê de ji Sputnik Kurdistanê re axivî û diyar kir ku bêtirî 300 kesayetên nûnerên partiyên siyasî yên Herêma Kurdistanê û parçeyên din siyasedmedar, parlamenter, mamoste û rewşenbîr ên kurd beşdarî konferansê bûne.

    Xalid got: "Armanca sereke ya li dar xistina konferansê, gotubejkirina pirsên netewe kurd bû û ji bo pêkanîna kongreya netewa Kurdistan bi beşdariya hemû nûnerên çar parçeyên Kurdistanê hat axaftin."

    Ji bo mijar û babetên ku di konferansê de hatine gotûbêjkirin Şaxewan Xalid diyar kir ku bernameya kar ya konferansê li ser dû mijaran rawestiya û got, "Yek bi taybetî li ser başkirina rewşa Herêma Kurdistanê anku Başûrê Kurdistanê û hemû warê syasî, yekrêzî û yekhelwestiya gelê başûr bû û teqezî liser wê yekê hat kirin ku pêwîste li Başûrê Kurdistanê destkariya desthilatdariyê were kirin û başûr bibe xwedî saziyên niştîmanî û serweriya yasayan lê hebe. Herwisa di mijara dûyem de behsa rewşa her çar parçeyên Kurdistanê hat kirin û bi taybetî êrîşên dewleta tirk ên li ser kantona Efrînê hat axaftin."

    Endamê YNDKê ew yek jî got ku li başûr nunerê Partiya Demokrata Kurdistanê beşdarî konferansê nebu û weha biryare li parçeyên din jî konferansên weha bihên lidarxistin.

    Bi heman mijarî:

    Li mizgeftên Herêma Kurdistanê bo Efrîne dia hatin kirin
    Li Kurdistanê bihayê nan zêde bûye
    Rayedarekî Herêma Kurdistanê naveroka serdana Barzanî bo Îranê eşkere kir
    Dadgeha Iraqê ji bo Herêma Kurdistanê biryareke girîng da
    Etîketan:
    kurd, konferans, Sputnik, Kurdistan
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de