04:05 22 Nîsan 2018
    Pêşmerge

    Wezareta Pêşmerge biryara yekkirina du lîwayan da

    © Sputnik / Hikmet Durgun
    Kurdistan
    Lînkê kurt
    0 0 0

    Wezareta Pêşmerge ya Kurdistanê di asta bilind de civiya û biryara yekgirtina herdu lîwayên yek û du yên bejayî da. Biryar e ku ji niha û şûn de fewc û lîwa fermanê ji berpirsên eniyan werbigirin.

    Wezareta Pêşmerge, îro (24.01.2018) li Dîwana Wezareta Pêşmerge ya Kurdistanê bi serperiştiya Wekîlê Wezareta Pêşmerge Serbest Lezgîn û Berpirsên Yekeyên 70 Şêx Cafer Şêx Mistefa û amadebûna Sekreterê Giştî yê Wezaretê Cebar Yawer û hejmarek efserên payebilind ên Dîwana Wezaretê, fermande û cîgirên lîwayên 1 û 2 yên bejayî civîneke berfireh hat kirin.

    Li gorî nûçeya Rûdawê, di civînê de “hemû biryarên pêwîst” bo yekgirtina lîwa û fewcan hatin dayîn. Di daxuyaniya Wezareta Pêşmerge de jî wiha tê gotin: “Di civînê de hat teqezkirin ku divê di nav rêzên Hêza Pêşmerge ya Kurdistanê de yek biryar û yek ferman hebe. Herwiha biryar hat dayîn ku her lîwayeke li sînorê eniyekê hatiye bicîhkirin, divê fermanên leşkerî tenê ji fermandeyê eniyê û Wezareta Pêşmerge werbigire. Ev jî wan pirsgirêkên ku berê rûbirûyê hêzên Pêşmerge bûne, çareser dike.”

    Herwiha navçeyên operasyonên lîwayên 1 û 2 ên bejayî hatin diyarkirin û biryar hat dayîn bo şopandin û destnîşankirina kêmasiyên lîwayan û çawaniya çareserkirina pirsgirêkan di qonaxa yekgirtina wan de lijneyeke bilind were pêkanîn.

    Di berdewamiya daxuyaniyê de hatiye gotin: “Dema pêwist bo yekgirtina herdu lîwayan hatiye destnîşankirin û fermandeyên lîwayên 1 û 2 jî tekez kirine ku dê pabendê hemû biryar û fermanên Wezareta Pêşmerge ya Kurdistanê bin.

    Bi heman mijarî:

    Ji bo cezayê peyva Kurdistanê serî li Dadgeha Destûrî da
    Bexdayê asteng kiriye ku wezaretekî Belkçîkayê biçe Kurdistanê
    Papayê Vatîkanê spasiya Kurdistanê kir
    Li Herêma Kurdistanê bikaranîna madeyên hişbir zêde bûye
    Iraq: Civîna li gel şandeya Kurdistanê berhemdar bû
    Etîketan:
    Pêşmerge, Şêx Cafer Şêx Mistefa, Kurdistan
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de