07:46 20 Nîsan 2018
    Efrîn

    Nûnerê ENKSê: Êrîşa Efrînê ne ya ser partiyekê ye, ya ser hemû kurdan e

    © Sputnik / Hikmet Durgun
    Kurdistan
    Lînkê kurt
    0 11

    Endamê Desteya Siyasî ya Îtîlafa Niştîmaniya Sûriyê û Nûnerê Encûmena Niştîmaniya Kurd li Sûriyê Hewas Egîd, li ser operasyon û êrîşa artêşa Tirkiyê ya ser Efrînê got, ev êrîş neku li ser partiyekê bi giştî li ser gelê kurd tê kirin.

    Hewas Egîd ji Riyazê beşdarî bultena televizyona Rûdawê bû ku ji bo danûstandinên çareseriya krîza Sûriyê li Erebistana Siûdiyê ye.

    'CUDABÛNA NÊRÎNAN NAYÊ WATEYA KU EM BERSIVÊ NEDIN'

    Egîd li ser operasyona Tirkiyê wiha got, "Bêguman ev êrîşa Tirkiyê dibe ser Efrînê bi ti awayî nabe di berjewendiyên miletê Sûriyê û miletê Kurd de. Ev êrîş bi giştî li ser gelê Kurd tê kirin, neku li ser partiyek an jî aliyekê tê kirin. Bêguman di nav tevgera siyasî ya kurdî de nêrînên cuda hene lê ew nayê wateya ku em îro bersiva êrîşan nedin."

    'RÛSYA, TIRKIYE Û ÎRAN DIXWAZIN EFRÎNÊ RADESTÎ ESAD BIKIN'

    Hewas Egîd da xuyakirin: "Ev êrîş di encama hevpeymaniya Rûsya, Îran û Tirkiyê de çêbûne. Mebesta sereke jî ew e ku Efrînê radestî rejîma Sûriyê bikin. Bi me jî ev tişta herî xirabe. Divê pirsgirêka Kurdan di bin siya civaka navdewletî de bê çareserkirin. Bi hevpeymaniyên yek alî pirsgirêka Kurdan a Sûriyê nayên çareserkirin. Di heman demê de ev nêrîna Erebistan Siûdiyê ye jî. Em ê nêrîna xwe di civîna 23yê vê mehê ya li Parîs bê sazkirin de jî bi zelalî behs bikin."

    Bi heman mijarî:

    Îran ji bo operasyona Efrînê: Em hêvî dikin zûka bi dawî bikin
    Erdogan li ser operasyona Efrînê gef li HDPê xwar
    Esad ji bo Efrînê: Ji siyaseta Tirkiyeyê ya piştgira terorê nayê veqetandin
    CHP: Em piştgiriyeke tam didin operasyona Efrînê
    Misirê ji bo operasyona Efrînê: Nayê qebûlkirin
    Fransayê ji bo Efrînê banga civîna lezgîn li NYyê kir
    Li Amedê bi ‘dehfan’ çalakîya piştgirîya Efrînê!
    Etîketan:
    Sûriye, Kurdistan
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de