20:23 19 Çile 2018
Zindî
    Referandûm - Kurdistanê

    'Siyaseta Ebadî bû sedem ku helwesta Amrîkayê li hemberî Kurdistanê biguhere'

    © Sputnik/ Hikmet Durgun
    Kurdistan
    Lînkê kurt
    Osman Başqalî
    0 0 0

    Çavdêrî siyasî Edalet Ebdullah diyar kir ku dibe li Iraqê di nav hêzên Heşda Şeibî de çêbibe û got, ji bo Serokwezîrê Iraqê Heyder Ebadî wekî qehreman were xuya, Iraq ji bo şerekî li dijî Herêma Kurdistanê xwe amade dike.

    Edalet Ebdullah ji bo Sputnik Kurdistanê ragihand, "Aemrîka û welatên rojavayî yên wekî Brîtanya, Fransa û Almanya Iraqeke federal dixwazin, wekî ku Ebadî niha hewl dide dewleteke navendî ava bike, dewleteke navendî naxwazin."

    Heyder Ebadî
    © REUTERS/ Alaa Al-Marjani /File Photo
    'SIYASETA EBADÎ BÛ SEDEMA GUHERÎNÊ'

    Ebdullah daxuyand ku siyaseta Ebadî ya li hemberî Herêma Kurdistanê û paşguhxistina daxwaziyên kurdan bû sedem ku Amrîka û welatên rojavayî helwesta xwe li hemberî Iraqê û Herêmê biguherînin û ev tişt gotin, "Herwisa ew bi awayekî eşkere û zelalî di çarçoveya Iraqeke federal û demokrasiyê de behsa mafên kurdan dikin. Daxuyaniya Rex Tillerson Wezîrê Derve yê Amrîkayê û Serokomarê Fransa, Serokwezîra Brîtanya û berpirsên Almanyayê di van rojan de li hember Iraq û Herêma Kurdistanê di derbarê vê guhertinê de belgeyên eşkere û zelal in."

    Edalet Ebdullah got, "Bûyerên Duzxurmatûyê û helwesta hikûmeta Iraqê li hemberî gelê kurd bi giştî û bersivnedana daxwaza hikumeta herêmê ji bo destpêkirina danûstandinan û pozbilindiya Ebadî bû sedem ku Amrîka bibêje, em Iraqeke federal û demokrasî dixwazîn û di çarçoveya Iraqê de piştevaniya mafên gelê kurd dikin."

    ‘DIBE DI NAVBERA ŞÎIYAN DE ŞER BIQEWIME'

    Çavdêrî siyasî Edalet Ebdullah derbirî ku Heşda Şeibî ji çend hêz û baskan pêk hatiye û tev baskên wê dixwazin xwe bi hêz bikin û bibin xwedî desthilat. Lê Ebadî jî li Iraqê naxwaze ji wan baskan ti bask hîç nebe xwediyê rol û hêz û desthilatek. Îcar eger li Iraqê ti şerekî din nebe, dibe nakokiyên di navbera wan baskên şîiyan de bigihêje asta şer û lihevxstin. Şîî bi çend lîst û baskên ji hev cuda amadehiya hilbijartinan dike, daku desthilatiyê werbigirin."

    Bi heman mijarî:

    Kurdên Herêma Kurdistanê nikarin biçin umreyê
    Şandeya hikûmeta Kurdistanê bi şandeyeke Parlamentoya Kurdistanê re civiya
    'Referandûma Kurdistanê pêşmerge û hêzên Iraqê ji hev cuda kir'
    Komîsyona hilbijartinan li Herêma Kurdistanê dixwaze 3 hilbjartinan bi hevre bike
    Şirketa Norwecê li Kurdistanê hilberîna petrolê 3 qat zêde kir
    Etîketan:
    guherandin, Çavdêrî Siyasî, Edalet Ebdullah, Amerîka, Kurdistan
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de