10:44 26 Gulan 2018
Kerkûk

Ji artêşa Iraqê belavoka Kerkûkê: Em li benda fermanê ne ku bikevin bajêr

Sputnik
Kurdistan
Lînkê kurt
Pêvajoya piştî referandûma serxwebûna Kurdistanê (118)
0 03

Spûtnîkê belavokên ku balafirên Artêşa Iraqê li ser Kerûkê belav kirine bi dest xist ku di wan de bangî xelkê Kerkûkê dike ku dûrî navendên partiyan biçin û çekan hilnergirin û hişyariyê dide ku dê di demeke nêzîk de êrîş bikin.

Belavoka li ser navê Hêzên Ewlekariya Iraqê hatiye weşandin û tê de wiha hatiye gotin: "Hêzên Iraqê di rizgarkirina bajaran de berdewam in."

Banga Artêşa Iraqê li niştîcihên Kerkûkê
© Sputnik / Osman Başqalî
Banga Artêşa Iraqê li niştîcihên Kerkûkê

Peyamnêrê Spûtnîk Kurdistanê yek ji wan belavokan ji welatiyekî Kerkûkê bi dest xist.

Belavoka ku Spûtnîkê bi dest xistiye wiha dewam kiriye:

"We gelekî sebir kir û êdî dem hatiye ku êşa we kişandiye bi dawî bibe. Hêzên me yên qehreman rê li ber wan çeteyan teng kiriye ku pereyan gelî û petrolê didizin û dest datînin ser axa xelkê û destûra Iraqê bin pê dikin û herwiha kuştin û talanê dikin."

"ÇEKAN HILNNEGIRIN"

Hêzên iraqî di belavokê destnîşan kir ku li bendî fermanên ne daku êrîş bikin û wiha dewam kir: Tenê ferman maye daku em têkevin bajarê we yê hêja. Her kêlîkê dibe ku em têkevin bajarî. Ji bo hû canê xwe biparêzin dûrî biryargeh û navendên partiyan biçin û çekan hilnegirin û hevkariyê bi me re bikin ku em jiyanê li bajarî dîsa asayî bikin."

Di dawiyê de hat îdiakirin ku "Hêzên Pêşmerge ji aliyê derûnî û madî ve têk çûye û hawara xwe dibin hikûmeta navendî."

 

Mijar:
Pêvajoya piştî referandûma serxwebûna Kurdistanê (118)

Bi heman mijarî:

Necmedîn Kerîm bang li gelê Kerkûkê kir: Teqe nekin!
Encamên destpêkê yên beşdariyê û dengê 'belê' li Kerkûkê û herêmên din
Parlementoya Iraqê destûr da Ebadî ku hêzên leşkerî bişîne Kerkûkê
Kerîm ji Spûtnîkê re: Hêzên kurdî dê nehêlin Artêşa Iraqê têkeve Kerkûkê
Kerîm: Ti hikmê Ebadî û Cibûrî li ser Kerkûkê tuneye
Fermandarê Pêşmergeyan: Kî êrîşî Kerkûkê bike em dê bersivê bidinê
Barzanî li Kerkûkê bi fermandarên hêzên Pêşmerge re civiya
Etîketan:
HÊzên Iraqê, Kerkûk, Kurdistan
Pîvanên civatêNîqaş
Şiroveyên di rêya Facebook deŞiroveyên di rêya Sputnîk de