14:25 23 Mijdar 2017
Zindî
    Parlamentoya Kurdistanê

    6 parlamentarên YNKê beşdarî civîna referandûmê nabin

    © Foto: krg.org
    Kurdistan
    Lînkê kurt
    Referandûma serxwebûna Kurdistanê (306)
    0 16 0 0

    Hat ragihandin ku dê 6 parlamentarên Yekîtiya Niştîmaniya Kurdistanê (YNK) beşdarî civîna îro êvarê (15 Îlon 2017) ya parlamentoya Kurdistanê nebin.

    Li gor nûçeya Rûdawê, 6 parlamenterên Yekîtiya Niştimaniya Kurdistanê (YNK) jî digel parlamentarên Tevgera Goran û Komela Îslamî beşdarî civîna îro êvarê ya derbarê referandûmê de nabin.

    Di civîna îro ya Parlamentoya Kurdistanê de, parlamenterên sê fraksiyonên sereke yên Herêma Kurdistanê Partiya Demokrata Kurdistanê (PDK), Yekîtiya Niştimaniya Kurdistanê (YNK) û Yekgirtûya Îslamiya Kurdistanê beşdar bibin.

    SEDEMÊN BEŞDARNEBÛNA WAN PARLAMENTERAN

    Li gor nûçeyê Goran Azad ji ber ku ne li Kurdistanê ye beşdarî civînê de nabe, Ferhad Sengawî ji ber ku dijatiya referandûma serxwebûna Kurdistanê kiribû bi biryara Polîtburoya YNKê ji partiyê hatiye derkirin, Parlamentarên din Geşe Dara, Qadir Rezgeyî û Meryem Semed jî di lîsta Berhem Salih bo hilbijartinên dahatî de ne û beşdarî rûniştina parlamenê nabin.

    Herwiha Awaz Şêx Cengî jî bi biryara Berpirsê Ajansa Parastin a Zanyarî ya Encumena Asayişa Herêma Kurdistanê Lahûr Şêx Cengî, ku kesekî ser bi YNKê ve ye, tevlî rûniştina îro ya parlamentoyê nabe.

    Herwiha parlamenterên kêmîneyên Tirkmen, Kildanî, Suryan û Aşûrî û Ermenî û parlamenterên çend partiyên din ên Kurdistanî jî di civînê de amadehiyê dikin.

    PARLAMENTO BI RÊKEFTINA 3 PARTIYAN DICIVE

    Hatibû ragihandin ku dê rûniştina îro ya Parlamentoya Kurdistanê Cîgirê Serokê Parlamentoya Kurdistanê Ceifer Îbrahîm Êminkî birêve bibe.

    Cîgirê Serokê Parlamentoya Kurdistanê ragihand: "Rûniştina îro ya parlamentoyê dê ji bo biryara referandûma 25ê îlonê bibe piştgirî."

    Parlamentoya Kurdistanê piştî 2 salan bi rêkeftina navbera PDK, YNK û Yekgirtûya Îslamî dicive.

     

     

    Mijar:
    Referandûma serxwebûna Kurdistanê (306)

    Bi heman mijarî:

    Meclisa Bilind a Referandûmê logoya dengê "erê" pesend kir
    Pêşmerge beriya referandûmê hêzên nû dişîne Kerkûkê
    YPG û YPJ hêzêke mezin a leşkerî şand Dêra Zorê (Vîdeo)
    Rûsya: Li Sûriyeyê fikra Kurdan girîng e
    Gelo modavan Michael Kors ji kincên PKKyiyan îlham girtiye?
    Nasnameya gumanbarekî êrîşa Londonê hat tesbîtkirin
    Mehmûd Osman: Divê McGurk di referandûma Kurdistanê de bêalî be
    Rojnamevanê Fransî Loup Bureau hat berdan
    Etîketan:
    Kurdistan
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de