YNK fermandarên xwe yên Wezareta Pêşmerge diguherîne

Hat ragihandin ku Yekîtiya Niştîmanî ya Kurdistanê (YNK) dê piraniya post û kursiyên xwe yên Wezareta Pêşmerge ya Herêma Kurdistanê biguherîne.

Li gorî nûçeya Rûdawê, Cigirê Sererkanê Hêzên Pêşmerge Qehreman Kemel ragihandiye ku "Ji bo guhertina cih û erkên berpirsyarên bilind ên Wezareta Pêşmerge, pêwîstî bi civîneke hevpar a di navbera YNK û PDKê de heye û biryar e di siberojê de ev civîn bê kirin."

Cîgirê Sererkanê Pêşmerge yê Operasyonên Wezareya Pêşmerge destnîşan kir ku YNKê biryar daye piraniya fermandarên xwe yên nav Wezareta Pêşmerge biguherîne.

Qahreman Kemal wiha got; “Biryara guhertinan hatiye dayîn. Lê hûrgiliyên vê yekê hê temem nebûne û heta niha jî em di nav xwe de gotûbêjan dikin.”

Li gorî gotina berpirsyarê Wezareta Pêşmerge, dê di nav dîwana Wezareta Pêşmerge û derveyî dîwanê de jî guhertin bên kirin.

YNK di nav Wezareta Pêşmerge de xwediyê çend hêzan e. Hêza 70 ya YNKê ji 80 hezar pêşmergeyan pêk tê.