08:10 28 Gulan 2017
Zindî
    pdk-î, pêşmergê rojhilat

    6 partiyên kurd ên Îranê li hev civiyan

    © Foto: Twitter
    Kurdistan
    Lînkê kurt
    0 17820

    6 partiyên kurd ên Eyaleta Kurdistanê ya Îranê li paytexta Herêma Kurdistanê, li Hewlêrê di danişîneke Enstîtuya Lêkolînên Rojhilata Navîn (MERI) de civîneke taybet li dar xist û di civînê de li ser rewşa siyasî ya Rojhilata Navîn, Îran û ya kurdên li Îranê axivîn.

    Hat ragihandin ku 6 partiyên kurd ên Eyaleta Kurdistanê ya Îranê duh li Hewlêrê di danişîneke MERIyê hatin cem hevdu û li ser rewşa siyasî ya Rojhilata Navîn, Îran û kurdên li Îranê axivîn.

    Hat diyarkirin ku Sekreterê Partiya Demokratîk a Kurdistanê-Îran (PDK-Î) Mistefa Hicrî, Sekreterê Giştî yê Hizbî Demokratî Kurdistan (HDK) Mistefa Mewlûdî, Sekreterê Giştî yê Komeleya Şoreşger a Zehmetkêşanên Kurdistana Îranê Ebdullah Muhtedî, Sekreterê Giştî yê Komele-Rêxistina Kurdistanê ya Hizbî Komunistî Îran Îbrahîm Elîzade, Cîgirê Sekreterê Giştî yê Komeleya Zehmetkêşanên Kurdistanê Reza Kebî û Berpirsê Peywendiyên Sazûmanê Xebatan Rêbiwar Huseynî beşdarî wê civînê bûn.

    Li gorî agahiyên Rûdawê Endamê Deftera Siyasî ya PDK-Îyê Mihemmed Nezîf Qadrî di derbarê civînê de got, "Her 6 partî jî li ser banga Enstîtuya MERIyê li hev civiyan û di civînê de behsa rewşa siyasî ya Rojhilata Navîn û Îranê û behsa pirsa kurd a li Rojhilatê Kurdistanê kirin."

    Nezîf Qadrî her wiha diyar kir ku aliyan di civînê de behsa qonaxa şerê DAIŞê û piştî DAIŞê, behsa hatina kabîneya Serokê Amerîkayê Donald Trump û behsa rol û erka hêzên Rojhilatê Kurdistanê ya di vê qonaxê de jî kirin.

    Bi heman mijarî:

    PDK-Î: Divê hemû partiyên kurd bi hev re pêşengtiya rizgariya Kurdistanê bikin
    PDK-Î ji bo salvegera Komara Kurdistanê peyamek şand
    Etîketan:
    civîn, partiyên kurd, Enstîtuya Lêkolînên Rojhilata Navîn (MERI), Hizba Demokrat a Kurdistanê (HDK), PDK-Î, Ebdullah Muhtedî, Mistefa Mewlûdî, Mistefa Hicrî, Kurdistan, Îran, Hewlêr
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de