10:31 19 Tebax 2017
Zindî
    Helgurd Hikmet

    Berdevkê Pêşmerge: ‘Gelê Kurdistanê daxwaza welatekî serbixwe dike'

    © Sputnik/ Hikmet Durgun
    Kurdistan
    Lînkê kurt
    0 6610

    Berdevkê Wezareta Peşmêrge yê Herêma Kurdistanê Helgurd Hikmet diyar kir ku gelê Kurdistanê hêvî û daxwaza welatekî serbixwe dike. Hikmet diyar kir ku em ê Kurdistanê ji rêxistina terorîst ya DAIŞê paqij bikin.

    Hikmet Durgun

    Hewlêr — Berdevkê Wezareta Peşmêrge yê Herêma Kurdistanê Helgurd Hikmet derbarê rewşa Herêma Kurdistanê û şerê bi DAIŞê de agahiyên taybet dane nûçegihanê ajansa Spûtnîk Kurdistanê diyar kir ku ji sedî 5ê axa Kurdistanê di destê DAIŞê de maye û em ê wê jî ji destê wan derxînin.

    Heta niha hezar û 345 Pêşmerge şehîd bû

    Hikmet di axaftina xwe ya taybet ji bo Spûtnîkê de got: ‘ Niha li Herêma Kurdistanê 160 hezar Pêşmerge heye û di şerê DAIŞê de heta niha me hezar û 345 Pêşmerge şehîd bûn, nêzî 8 hezar jî birîndar bûne û 62 Pêşmerge jî windayî ne. Di şer de me gelek terorîstên DAIŞê girtin û me şandin dadgehê.'

    Alîkariyên koalîsyonê kêm in

    Helgurd Hikmet di berdewamiya axaftina xwe de got: ‘ Şerê bi DAIŞê re wekî berê ne zêde ye, lê li gelek cihan hê jî îhtîmala şer heye. Ji sedî 5ê axa Kurdistanê di destê DAIŞê de maye û demeke nêz de em ê wê jî rizgar bikin.Lê alîkariyên koalîsyonê kêm in. Êdî bi temamî derxistina DAIŞê ji nav axa Kurdistanê hêsan bûye.'

    Leşkerên tirkî li Başîqayê nayê xwestin

    Hikmet di dirêjiya axaftina xwe de behsa leşkerên tirkî yên Başîqayê kir û got: ‘ Em leşkerên Tirkiyeyê li herêma Başîqayê naxwazin. Hê jî di nava me û artêşa Iraqê de pirsgirêk hene, di mijara çekan de ji Pêşmerge re nabin alîkar. Em hêvî dikin ku kêlîk berî kêlikekê pirsgirêk werin çareserkirin.'

    Pêşmerge daxwaza Kurdistana serbixwe dike

    Berdevkê Wezareta Pêşmêrge Hikmet di dawiya axaftina xwe de got: ‘ Hêzên Pêşmerge daxwaza Kurdistaneke serbixwe dikin. Salên borî jî referandumeke ne fermî ji bo serxwebûnê hat kirin. Gelê Kurdistanê hêvî û daxwaza welatekî serbixwe dike. Jixwe hikumeta Iraqê ji hêla siyasî û ekonomîkî ve tu tiştekî nake. DAIŞ şerê me dike û hikumeta Iraqê tu alîkariya me nekir. Mafê Pêşmerge dahî nade. Her wiha kî li dijî DAIŞê şer bike em vê baş dibînin. Rûsya jî li dijî DAIŞê şer dike û tiştekî baş e, divê herkes li hemberî terorîzmê tekoşînê bide.

    Bi heman mijarî:

    Oktay Vural:‘Kî Pêşmerge şand Kobanî?'
    Komek Pêşmerge ji bo nerazîbûna xwe bidin nîşandan rê girtin
    Iraq: 'Em miaş jî nadin Pêşmerge, serfermandariya artêşê jî teslîmî kurdan nakin'
    Hikumeta Belçîka 41 kamyon alîkarî ji Pêşmerge re dişîne
    Amerîka 370 leşkerên xwe ji bo alikariya Pêşmerge rê dike
    Etîketan:
    Wezareta Peşmêrge ya Herêma Kurdistanê, Artêşa Iraqê, Hêza Hevpeyman, DAIŞ, Helgurd Hikmet, Hewlêr, Kurdistan
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de