04:34 16 Kanûn 2017
Zindî
    Şengal

    Êdî gelê Şengalê vedigere malên xwe

    © AFP 2017/ Safin Hamed
    Kurdistan
    Lînkê kurt
    0 01

    Piştî rizkarkirin û paqijkirina Şengalê ji bombe û mayinan gelê wê vedigere malên xwe.

    Navenda Nûçeyan — Şengala ku bi destê hêzên pêşmergeyan ji DAIŞê hat xilaskirin, piraniya bombe û mayinên wê hatin paqijkirin û welatiyên ku vedigerin malên xwe li ser rêya navçeyê rêz dibin.

    Gelê êzdî yên ku xwe sipartibûn Çiyayê Şengalê û dorberê wê ji bo ku neyên dizîn eşyeyên xwe bi xwe ra dibin ciyên ewledar.

    Ji sedî 80yê avahiyên sivîl û fermî yên li navçeyê hilweşiyane û li navçeyê qerebalixiyeke mezin heye. Ekîbên îmhekirina bombeyan ji bo bombeyên ku DAIŞê di navçeyê da bicî kirine paqij bikin bênavber dixebitin. Hêzên ewlekariyê xebatên xwe li avahiya qaymeqamtiyê û avahiyên fermî didomînin.

    Welatî dikarin vegerin malên xwe

    Rayedarên pêşmergeyan ên ku ewlekariya Şengalê pêk tînin diyar kirin ku ji bo vegerîna gelê êzdî û gelê navçeyê tu astengî tuneye û êdî Şengal ewledar e. Êdî DAIŞ nikare Şengalê zevt bike, şert û mercên îro ne wek yên 15 meh berê ne.

    Her wiha Serokê Herêma Kurdistana Iraqê Mesûd Barzanî gotibû ku, li Şengalê ji xeyrî alaya Kurdistanê destûr tune ku alayek din bê hejandin.

    Bi heman mijarî:

    Rûsya: Di dema teqîna Parîsê de NATO li ku bû?
    Qendîl hate bombebarankirin
    Li Weqfa Beşikçi panela Barzanî
    Li Bexdayê êrîşa komkujî: 9 mirî 28 birîndar
    Etîketan:
    Hêza Pêşmerge, HHK, DAIŞ, Şengal, Kurdistan
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de