03:59 28 Gulan 2018
Alîgirên PDKî

PDKa Rojhilat: Em naxwazin di navbera me û PKKê de şer derkeve

© AP Photo /
Kurdistan
Lînkê kurt
0 0 0

Partiya Demokrat a Kurdistanê (PDK) ya Rojhilatê Kurdistanê ragihand, ew naxwazin di navbera wan û PKKê alozî derkeve ji ber wê jî heta bi PKKê re rûnenên, nahêlin pêşmergeyên wan pêşde biçin. PKK dibêje şer derneketiye.

Piştî şer û aloziya roja 24ê Gulanê ya navbera gerîlayên PKKê û pêşmergeyên PDKÎ, PDKa Rojhilat jî hinek hêzên xwe şand ser sînorê Başûr û Rojhilatê Kurdistanê. Ew hêza PDKê li bintara çiyayê Helgord li aliyê Başûr bicîh bûne.

Lê şeva borî di navbera pêşmergeyên PDK û gerîlayên PKKê de şer derketibû û pêşmergeyek birîndar bibû.

Li ser vê bûyerê, alîkarê sekreterê Giştî yê PDKê Mistefa Mewlûdî li bintara çiyayê Helgord li ser sînorê Başûr û Rojhilat ji Rûdawê re ragihand ku bûyera şeva borî bûyerek biçûk bû û tenê çend xulekan dirêj kir. Pêşmergeyekî me birîndar bû.

Mistefa Mewlûdî diyar kir ku ew naxwazin di navbera wan û PKKê de alozî çêbibe lewma hewl didin nakokiyan bi diyalogê çareser bikin û wiha got: `Ji ber wê jî em heta bi PKKê re rûnenên em nahêlin hêzên me pêşde biçin.`

Lê berpirsê pêwendiyên derve yê KCKê Demhat Egîd ji malpereke nêzîkî PKKê re ragihand ku di navbera gerîlayên PKKê û pêşmergeyên PDKê de şer derneketiye û nûçeyên ku li ser vê yekê hatine belavkirin, derew in.

Bi heman mijarî:

Şerê PKK û PDKê sekiniye
Daxuyaniya RMMK li ser şerê PKK û PDKÎ
Civîna PKK û PDKÎ çênebû
Partiyên Başûr: Em ji aloziya PKK û PDKÎ dilgiran in
PKK hêza xwe li sînorê Rojhilat û Başûrê Kurdistanê bêhtir dike
Parlamentoya Kurdistanê banga rawestana şer li PKK û PDKÎ kir
Parlamenterên Kurdistanê:`PKK bo danûstandina bi PDKÎyê re amade ye`
PDKÎ bangawazî kir ku “helwesta nakurdane” ya PKK bidin guhertin
PKK dest ji kongreya çekdanînê berda ye
Barzanî û aliyên siyasî destêwerdana PKK li Başûr red dikin
Etîketan:
Kurdistan
Pîvanên civatêNîqaş
Şiroveyên di rêya Facebook deŞiroveyên di rêya Sputnîk de