19:04 25 Gulan 2017
Zindî
    Mesûd Barzanî

    Mesûd Barzanî li gel paertiyên siyasî civiya

    © AFP 2017/
    Kurdistan
    Lînkê kurt
    0 1801

    Endamê Serkirdatiya Komela Islamî a Kurdistanê Şiwan Raber di daxuyaniyekê de îro, 19ê Nîsanê, ji BasNewsê re ragihand ku, Serokê Herêma Kurdistanê Mesûd Barzanî dê li Pîrmamê pêşwazî li 5 aliyên sereke bike.

    Her 5 aliyên serke yên Herêma Kurdistanê ev in: Partiya Demokrata Kurdistanê (PDK), Tevgera Goranê, Yekîtiya Niştimanî ya Kurdistanê (YNK), Yekgirtûya Islamî ya Kurdistanê û Komela Islamî ya Kurdistanê.

    Şiwan Raber ablkişande ser naveroka civîna sibe û got: “Civîn taybet e bi pirsa arîşeyên navxweyî yên Herêma kurdistanê, projeya destûrê û posta Serokatiya Herêma Kurdistanê.”

    Niha proje yasaya destûrê ji aliyê komîteyeke 21 kesî ve li Parlementoya Kurdistanê tê guhertin, dibe ku sîstema hikumraniyê jî li Herêma Kurdistanê têde were guhertin.

    Aliyên siyasî jî li ser hilbijartina Serokê Herêma Kurdistanê ji aliyê parlemento yan ji aliyê xelkê ve, nakok in.

    Parlementoya Kurdistana ji 111 parlementeran pêk tê. PDK bi 38, Goran bi 24, YNK bi 18, Yekgirtû bi 10, Komel jî bi 6 kursiyan di parlementoyê de cih digrin. Kursiyên din jî ji partiyên biçûk û pêkhateyên li Herêma Kurdistanê re hatine terxankirin.

    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de