18:16 29 Gulan 2017
Zindî
    Parlamentoya Herêma Kurdistanê

    PDK dixwaze li Kurdistanê sîstema serokatiyê bidome, partiyên din dij derdikevin

    © Foto: krg.org
    Kurdistan
    Lînkê kurt
    Osman Başqalî
    0 5311

    Eger Destûra Kurdistanê beriya bidawihatına serokatiya Barzani bikeve rapirsyê û baweriya gelê Kurdistanê werbigre, wê demê tu pirsgrêka serokatya Herêma Kurdistanê namîne.

    Parlamentoya Kurdistanê bi qanûneke taybet  Komîsyona Destûra Kurdistanê  saz kir, ku 21 perlementer ên ji partiyên sîyasî û nûnerên hemû  netewe û olên Herêma Kurdistanê pêk tê. Komîsyonê   wê hewil bide ku heta 19 tebaxê, beriya ku dema serokatiya Mesûd Barzanî bidawî be, proje Destûra Bingehîn a Herêma Kurdistanê amade bike pêşkêşî referandûmê bike. 

    Li ser vê mijarê peymanêrê Spûtnîk Kurdistanê yê li Hewlêrê Osman Başqalî nêrîna seroka Komîsyona  Karubarên Yasayî ya Parlamentoya Kurdistanê  dr. Vala Ferîd pirsî:

    Vala Ferîd — seroka komîsyona  karubarên yasayî ya Perlemana Kurdistanê  dibêje, komîsyonê wê di nava  90 rojan de proja Destûra Başûrê Kurdstanê  amade bike û pêşkêşî referandûmê bike.

    Dr. Ferîd destnîşan dike,  ku pêwîste komîsyon Destûra Kurdistanê beriya bidawîhatna dema serokatiya Mesûd Barzanî, an ku heta19 tebaxê amade bike:

    “Eger Destûra Kurdistanê beriya bidawihatına serokatiya Barzani bikeve rapirsyê û baweriya gelê Kurdistanê werbigre, wê demê  tu pirsgrêka serokatya Herêma Kurdistanê namîne. Ji ber ku li gor Destûrê, serokê Herêmê wê ji nû ve bê helbjartin”.

    Di heman demê de parlementer Ferîd amaje dike ku Partya Demokrata Kurdistanê li gel sîstema serokatyê, an ku sîstema niha ye, lê piranya partiyên din îsrar dikin ku  sîstema Kurdistanê perlemanî be. 

    Ferîd her weha tekez dike, ku eger partiyên siyasî rê li hember piroja Destûra sala 2013 negirtiba, niha Herêma Kurdistanê xwedî Destûr dibû û tu pirsgrêkeke weha nedhat holê.

    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de