21:28 24 Nîsan 2018
    Îran

    Îran: Ev planeke nû ya li dijî Sûriyeyê ye

    © REUTERS / Raheb Homavandi
    Îran
    Lînkê kurt
    0 0 0

    Berevaniya Şaristanî li Sûriyê ku bi Kumsipiyan tê naskirin îdîa kiribû ku li bajarê Dumayê ji aliyê hêzên Sûriyê ve bi gaza klorê hatiye bombarankirin û di encamê de bi dehan kesên sivîl hatine kuştin.

    iştî belavbûna wan agahiyan, Wezareta Derve ya Îranê Behram Qasimî bertek nîşan da. Berdevkê Wezareta Derve ya Îranê Behram Qasimî di daxuyaniyekê de red kir ku hêzên Sûriyeyê çekên kîmyayî li Dumayê bi kar anîbe û got: "Di demekê de ku artêşa Sûriyeyê di qadên şerê li dijî terorîstên çekdar de serkevtî ye û baladest e, bikaranîna made yan çekên kîmyayî ji aliyê wan ve karekî lojîkî nabe. Tohmetbarkirina Şamê bi bikaranîna çekên kîmyayî, tenê hincet in. Ew tohmetbarkirin pîlaneke nû li dijî hikûmeta Sûriyeyê ye."

    Behram Qasimî di berdewamiya axaftina xwe de got: "Her êrîşeke li dijî dewleta Sûriyeyê dê rewşa wî welatî û tevahiya herêmê aloztir bike. Îdîa û tohmetên wisa ji aliyê amerîkiyan û hin welatên rojavayî ve nîşaneya pîlaneke nû li dijî dewlet û milletê Sûriyê ye û hincetek e ji bo êrişeke leşkerî li dijî wan û bêguman (ew yek) dê rewşa li wî welatî û li herêmê alzotir bike û dê terorîstan jî ji bo berdewamîdan bi tawanên xwe cesûrtir bike, ku helbet bi qazanca aştî, seqamgîrî û ewlehiya herêmê û cîhanê nabe".

    Qasimî di dirêjiya axaftina xwe de got: "ÎdÎaya bikaranîna çekên kîmyayî li bajarê Dumayê ji aliyê artêşa Sûriyê ve ligel rastiyên niha yên li ser erdê li wê deverê nagunce. Hikûmeta Sûriyeyê di mijara kîmyayî de hevkariyeke baş li gel Netewên Yekgirtî hebûye û piştî ku ew welat tevlî peyamnnameya rêgirtin ji belavbûna çekên kîmyayî bû, civaka navdewletî tevahiya îmkanên berhemanîn û çêkirina çekên kîmyayî yên wî welatî ji nav bir".

     

     

    Bi heman mijarî:

    Sûriye: Îdiayên ‘bikaranîna çekên kîmyevî’ wek banda asêmayê tim û tim heman tiştê dibêje
    Rayedarê PDKê: Rojekê dê Îran, Tirkiye, Sûriye û Iraq bên hilweşandin
    Sûriye: Divê Tirkiye leşkerên xwe ji Efrînê vekişîne
    Rûhanî: Amerîka û Îsraîl difikirin Sûriye perçe bibe
    Erdogan û Trump li ser Sûriye û Iraqê axivîn
    Hevpeymaniya navdewletî li xwe mikur hat: Li Sûriye û Iraqê 855 sivîl hatine kuştin
    Etîketan:
    Wezareta Derve ya Îranê, Behram Qasimî, Sûriye, Îran
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de