16:58 19 Hezîran 2018
Referandûm - Kurdistanê

Waîzê îranî ji bo Herêma Kurdistanê got: Me nehîşt Îsraîla duyem were avakirin

© Sputnik / Hikmet Durgun
Îran
Lînkê kurt
0 01

Waîzê îranî yê bi navê Ehmed Xatemî di xitbeya xwe ya îro ya înê de ji bo Herêma Kurdistanê ragihand ku Komara Îslamî ya Îranê nehêşt "Îsraîla duyem" were avakirin.

Waîzê Îranê Ehmed Xatemî di xitbeya xwe ya nimêja Înê ya li Tehranê de ji bo xwepêşandanên li Îranê got: "Tiştên diqewimin ji ber kînên Amerîkayê ye. Di civaka navdewletî de Amerîka berdewam hatiye şikestin."

Xatemî parast ku Amerîkayê bi xwe DAIŞ dirust kiriye û got, "Ji bo izgarkirina Mûsilê demeke ji 10 salan heta 30 salan pêwîst bû, lê Îranê di heşt mehan de DAIŞ li Mûsilê tune kir."

Waîzê îranî di berdewamiya xitbeya xwe de behsa referandûma serxwebûnê ya Herêma Kurdistanê ya 25ê Îlona 2017an kir û wisa berdewam kir: "Dixwestin Îsraîleke nû ava bikin, lê hêza Îranê nehişt Îsraîla duyem were avakirin."

Ehmed Xatemî herwisa Hewlêr tometbar kir û îdia kir ku niha tê xwestin di çekan di ser Hîrat û Hewlêrê re derbasî Îranê bikin û got, "Erebistana Siûdî pereyan dide û plan jî li Amerîkayê hatiye amadekirin."

Xatemî li gel vê yekê anî ziman ku Amerîka ji bo Iraqê di destê xwe de bihêle gelek pereyan terxan dike, lê ew plan nebû û got, li Sûriyeyê jî wê nikaribe wê planê bi ser bixe.

Bi heman mijarî:

Yezdanpena: Fars, ereb û azerî hatin ser rêya gelê kurd
Kosret Resûl şemiyê vedigere Herêma Kurdistanê
Şandeya Kurdistanê ya li Bexdayê encamên serdana xwe eşkere dike
Ebadî: Hikûmet dê bi zelalî adilane muçeyên Kurdistanê dabîn bike
Olên Kurdistanê: Behaiyitî
Etîketan:
îsraîla duyem, Herêma Kurdistanê, Waîzê îranî, Ehmed Xatemî, Tehran, Îran
Pîvanên civatêNîqaş
Şiroveyên di rêya Facebook deŞiroveyên di rêya Sputnîk de