10:29 23 Nîsan 2018
    Efrîn

    'Kurdekî ji ber rexnekirina operasyona Efrînê ji kar hat derxistin'

    © Sputnik / Mikhail Alaeddin
    Ewropa
    Lînkê kurt
    Operasyona Tirkiyeyê li dijî Efrînê (520)
    0 01

    Welatiyekî bajarê Efrînê yê Rojava li Almanyayê ji ber ku rexne li operasyona Efrînê girtibûn û piştî wê, li gel hevkarê xwe yê tirk ketibû devjeniyê, ji kar hat derxistin û ev mehek e ku naxebite.

    Li gorî nûçeya DWê ya ku dispêre Muhacirîn Newsê, Ev bêtirî mehekê ye ku penaberê kurdê Efrînê Ehmed Zeynel li malê betal rûniştiye ji ber ku şirketa lê dixebitî, ew ji kar derxist. Sedema wê jî ew bû ku wî û çend hevkarên xwe nîqaşeke mezin kiribû û herdu aliyan derbarê operasyona Tirkiyeyê ya li herêm Efrînê hev tawanbar kiribû.

    Ew penaberê kurd ê efrînî berî du sal û nîvan hatibû Almanyayê û di şirketeke perçeyên tirimbêlan de dixebitî lê ew û hevalekî wî yê kurd ji kar hatin derxistin. Ehmed Zeynel dibêje ku sedema jikarderxistina wan jî ew bû ku wan rexne "li kuştina sivîlan li Efrînê ji aliyê Artêşa Tirkiyeyê û komên dijber ên li gel wê girtibûn."

    Ehmed bûyerê wiha vedibêje: "Ez û hevkarê xwe yê kurd Aslan derbarê rewşa li Efrînê de diaxivîn ji ber rmalbatên me li wê derê ne. Yek ji xebatkarên tirk ên şirketê nêzîkî me bû û pirsî bê em çi li ser operasyona li wê derê(Efrînê) difikirin. Me rexne li operasyona leşkerî ya Tirkiyeyê û siyaseta Erdoganî girtin û me fikira xwe bi azadî vegot. Piştî wê kesên li wê derê kar dikin li me kom bûn û em tawanbar kirin ku em terorîst in. Piştî wê bi çend rojan, ez seyr lê man ku hişyariyek hatiye ku em ji kar hatine derxistin."

    Mijar:
    Operasyona Tirkiyeyê li dijî Efrînê (520)

    Bi heman mijarî:

    Vîdyoya ku bi zarokên Efrînê sloganên Tirkiyê tên qêrîn, bû sedema bertekan
    TSK: Li Efrînê 2 leşkerên me jiyana xwe ji dest dan
    Berdevkê YPGê: Li Efrînê 16 milîs hatin kuştin û du wesayîtên leşkerî jî hatin rûxandin
    'Desteserkirina kesên li dijî operasyona Efrînê derdikevin, binepkirina mafê mirovan e'
    'Kurdan xeletî kir ku artêşa Sûriyeyê neket Efrînê'
    Etîketan:
    Ehmed Zeynel, Efrîn, Sûriye, Tirkiye, Almanya, Rojava
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de