23:14 25 Gulan 2018
John Kirby

Amerîka ji bo herêmên ji DAIŞê hatine girtin: Biryar ya Ebadî ye

© AP Photo / Manuel Balce Ceneta
Cîhan
Lînkê kurt
0 0 0

Wezareta Karên Derve ya Amerîkayê diyar kir ku di nîqaşa navbera Bexda û Hewlêrê de ya ji bo ku hêzên Pêşmerge li wan herêmên ji DAIŞê hatine girtin bimîne an nemîne, biryara dawîin ya Serokwezîrê Iarqê Ebadî ye.

Berdevkê Wezareta Karên Derve yê Amerîkayê John Kirby di civ3ina xwe rojane de di derbarê rageşiya navbera rêveberiya Iraqê û Herêma Kurdistanê de axivî û got,"Ji bo me ya girîng ew e ku bial Mûsil ji DAIŞê were rizgarkirin.Ji bo me ya girîng ew e ku têkoşîna di bin kontrol rêveberiya navendî û Serokwezîr Heyder Ebadî de be û gotina dawîn a di derbarê têkoşînê de û biryara rêxistinkirina hêzên li wir ji aliyê hikumeta navendî ya Iraqê û Ebadî ve were dayîn."

Kirby parast ku di navbera Bexda û Hewlêrê de peywendiyeke nêzîk heye û wiha axivî, "Biryarên wisa divê di navbera wan de were girtin. Rola me piştgirîdayîna hewldanên Serokwezîr Ebadî ye. Em vê jî bi awayê leşkerî, perwerdehî û şêwirmendî pêk tînin û wê wisa berdewam bike."

Serokê Herêma Kurdistanê Mesûd Barzanî daxuyandibû ku wan ji bo herêmên ku ji DAIŞê tên girtin di bin kontrola Pêşmerge de bimînin, bi Amerîkayê re lihev kirine. Serokwezîrê Iraqê Ebadî jî diyar kiribû ku daxuyaniyên Barzanî rastiyê nîşan nadin û di daxuyaniya ofîsa wî de jî hatibû gotin ku li gorî peymanê piştî ku Mûsil ji DAIŞê were rizgarkirin Pêşmerge wê vegerin pozîsyona xwe ya berê.

 

Bi heman mijarî:

Kurdistan: Gotara Barzanî şaş hatiye wergerandin
Ebadî bersiva Barzanî da: Pêşmerge dê vekişin
Nivîskarê ereb: Plana Barzanî ragihandina dewletê û parçekirina Iraqê ye
Barzanî: Em û Bexdayê li hev bikin, pêdivî bi referandûmê namîne
Etîketan:
herêmên ji DAIŞê hatine girtin, biryar, Berdevkê Wezareta Karên Derve yê Amerîkayê, daiş, Serokwezîrê Iraqê, Serokê Herêma Kurdistanê, John Kirby, Heyder Ebadî, Mesûd Barzanî, Amerîka, Iraq, Kurdistan
Pîvanên civatêNîqaş
Şiroveyên di rêya Facebook deŞiroveyên di rêya Sputnîk de