07:50 27 Nîsan 2018
    Hasankeyf / Heskîf - Batman

    Wênesazê navdar Guneştekin li Heskîfê muzexaneyekê ava dike

    © AFP 2018 / STR
    Çand û Hûner
    Lînkê kurt
    0 0 0

    Wênesazê kurd Ahmet Guneştekin li Navçeya dîrokî ya Batmanê Heskîfê ji bo avakirina muzexaneyeke hevçerx dest bi xebatan kir. Hunermend Guneştekin û mîmar Emre Erolat serdana Heskîfê kirin û ji bo cihê muzexaneye xebateke berwext kirin.

    Li gorî nûçeya Reşat Yigiz ê DHAyê Wênesaz Guneştekin bi waliyê Batmanê Ahmet Deniz, Qeymeqamê Heskîfê Faruk Bayulgen û Şaredarê Heskîfê Abdulvahap Kusen li Heskîfê Nû lêkolîn kirin. Guneştekin axivî û da zanîn, "Dê li muzexaneya were avakirin çi û çi cih bigire, em li ser wê axivîn û me xebateke berwext kir."

    'EM DÊ MUZEXANEYE HEVÇERX AVA BIKIN'

    Guneştekin herwiha anî ziman ku ew dixwazin li Heskîfê muzexaneyeke hevçerx lê bikin û wiha axivî, "Heskîf di bîr û boçûnên me de cihekî xwe yê taybet heye. Dema fikra avakirina muzexaneyeke çêbû ewil mîmar Emre Erolat hat bîra min. Ez wisa difikirim ku hem em bi zimanê hev yê hunerî dizanin, hem heval û hogirê hev in û hem jî Erolat navekî gerdûnî ye lewra destwerdana wî ya li vê projeyê dê gelek bikêrhatî be. Û elbet ji bo muzexaneyeke arkeolojîk erdnîgarî jî mihîm e lê li cîhanê jî gelek muzaxane encex bi entegreyî hunera hevçerx bibin balkêştir dibin. Ji vî aliyî ve dema min behsa fikra avakirina muzexaneyeke hemdem kir, di serî de waliyê Batmanê û rayedarên bajêr elaqeyeke bal nîşan dan. Herhal em dê bi awayekî vê projeyê têxine meriyetê.

    'DÊ LI CEM MUZEXANEYA ARKEOLOJÎK MUZEXANEYEKE HEVÇERX JÎ WERE AVAKIRIN'

    Waliyê Batmanê Ahmet Deniz jî têkildarî mijarê got, "Hevwelatiyê me Ahmet Guneştekin hunermendekî girîng e, mîmar Emre Erolat jî elbet. Muzexaneye ku dê li vir were avakirin dê nirxên Heskîfê bilind bike. Tevî muzexaneyeke arkolojîk em dixwzazin muzexaneyeke hunerên hevçerx jî ava bikin. Elbet em dê bi rêya Wezareta Çade û Geştyariyê piştgiriya vê projeyê bikin."

    Bi heman mijarî:

    Çend hunermend ji bo alîkariya bajarekî Rojava konserekê li dar dixin
    Hunermend Ferhat Tunç derket pêşberî dadgehê
    Mihemed Şêxo wek bav, hunermend, mirov û kurd...
    UNESCO hunermend esil-kurd wek hunermendê aştiyê bijart
    Hunermend Xulamî: Divê kurd bi kongreyekê yekitiya xwe pêk bînin
    Hunermendê kurd: Polîsan ji min xwestin ku ez bibim sixûr
    Wezîrê îranî serdana hunermendê kurd ê navdar kir
    Pêşageha hunermendê kurd Mahmut Celayir li benda hunerhezan e
    Etîketan:
    Muzexaneya hevçerx, Muzexane, Ahmet Deniz, Ahmet Guneştekin, Heskîf, Batman
    Pîvanên civatêNîqaş
    Şiroveyên di rêya Facebook deŞiroveyên di rêya Sputnîk de