04:14 22 Hezîran 2018
Ala Kurdistanê Protestoya li Ewropayê

Li Amerîkayê 'Konferansa Xebatên Kurdî ya Serbestê' destpê kir

© AFP 2018 / John MACDOUGALL
Amerîka
Lînkê kurt
0 0 0

Li Zanîngeha Northwesternê ya li Amerîkayê di navbera 1-2yê Hezîrana 2018a de derbarê kurdan de konferansek tê lidarxistin. Li gorî agahiyên li ser malpera zanîngehê konferans bi beşdarbûna gelek akademisyenan û gelek mijaran tê birêvebirin.

Li gorî agahiyên li ser malpera Zanîngeha Northwesternê ya li eyaleta Illinoisê ya Amerîkayê, îro û sibehê (1-2yê Hezîrana 2018a) konferanseke bi navê "Serbest Kurdish Studies Conference" (Konferansa Xebatên Kurdî ya Serbestê) tê sazkirin.

Ji bo konferansa ku dê 2 roja bajo, jig elek zanîngehên navdewletî gelek akademisyenên kurd û biyanî bi xebatên xwe yên giran beşdarî konferansê dibin. Akademisyen û lêkolînên wekî Abbas Valî, Michael Gunter, Ozlem Belçim Galip, Yesim Yaprak Yıldız, Cengiz Guneş, Janroj Yilmaz Keleş, Amy Austin Holme, Sean Lee, Kamal Soleimani, Veli Yadirgi, Leyla Neyzi, Ipek Demir û gelek kesên din bi xebatên xwe beşdarî konferansê dibin.

Di konferansê de ji Herêma Kurdistanê heta Kurdistana Îranê, ji Rojava heta kurdên li Tirkiyeyê, di gelek waran de li ser kurdan xebat tên pêşkeşkirin.

Ji wan akademisyenan Veli Yadirgi bi xebata xwe ya "The Political Economy of Turkey's Kurdish Question" (Aboriya Siyasî ya Pirsgirêka Kurd a li Tirkiyeyê), Michael Gunter bi xebata xwe ya "Kurdish Studies in the United States" (Li Amerîkayê Xebatên Kurdî), Amy Austin Holmes bi xebata xwe ya "The Political Ambitions of Kurdish Militias in Syria and Iraq Geopolitics and Gender Dynamics: Comparing the YPG in Kobane and the YBS in Sinjar" (Di warê Jeopolîtîka Sûriye û Iraqê de Armancên Siyasî yên Milîtanên Kurdan û Dînamîkên Zayendiya Civakî: Berawirdkirina YPGa li Kobanê û YBŞa li Şingalê), Sean Lee bi xebata xwe ya "The Evolution of Rojava: Nation building in wartime Syria" (Tekamulbûna Rojava: Di dema şerê li Sûriyeyê de avakirina Neteweyê) beşdarî konferansê dibin. Herwisa hêjayî gotinê ye ku akademisyen û lêkolînerên din jî bi xebatên xwe yên cuda di konferansê cih digirin.

Konferansa ku li Enstîtuya Xebatên Kureyî ya Buffetê ya bi ser Zanîngeha Northwesternê tê lidarxistin, di 2yê Hezîranê de li gorî saeta Amerîkayê de di saet 06.00a de bi dawî dibe.

Bi heman mijarî:

Ince: Divê meselaya kurd êdî bêyî xetên sor were nîqaşkirin
Siyasedmedarê kurd: Zû yan dereng YPG dê ji Minbic û Reqayê vekişe
Çepgirê tirk: Gava çepê tirk piştgirî da kemalîzmê kurd ji wan veqetiyan
Cenazeyê keça kurd a ku ji aliyê polîsê belçîkî ve hatibû kuştin hat rakirin
Etîketan:
Konferansa Xebatên Kurdî ya Serbestê, Amerîka
Pîvanên civatêNîqaş
Şiroveyên di rêya Facebook deŞiroveyên di rêya Sputnîk de